شاهد مع عمر الشال كيف تؤمن نفسك علي الفيس بوك ؟

دي خطوات تأمين حسابك على الفيسبوك .. انشرها ووصلها لغيرك:
1- تغيير الباسوورد بباسوورد قوية واختيار الخروج من الأجهزة والتطبيقات الأخرى
دي خطوة أساسية علشان تقطع الطريق على أي حد بيدخل على حسابك وانت مش حاسس .. خد بالك لازم الباسوورد تبقى معقدة وفي نفس الوقت ما تنساهاش .. نضرب مثال سريع
لو ماحد اسمه محمد زكي - اتولد في 1980 - وساكن في نمرة 5 في الشارع
ممكن يعمل باسوورد تبقى 
MZ805%fbzm
شكلها صعبة جدا بس سهل عليه يفتكرها .. بدأت باسمه وسنة ميلاده وسكنه "وعلامة % هي رقم 5 برضه" وبعدها حرفين فيسبوك وحروف اسمه تاني
كده الباسوورد دي: 10 خانات .. مكونة من حروف كبيرة وصغيرة وأرقام ورموز .. كده دي باسوورد معقدة
2- تفعيل تنبيهات الدخول للتنبه عند دخول أحد على حسابك
دي بتتعمل من هنا
https://www.facebook.com/settings?tab=security
3- تفعيل الموافقة المسبقة على الدخول عن طريق كود يصل إلى موبايلك لتأكيد الدخول
برضه من نفس المكان .. هنا
https://www.facebook.com/settings?tab=security
4- مراجعة التطبيقات التي لها صلاحية الدخول على حسابك والغاء الغريب منها وتقليل صلاحيات الباقي
دي خطوة مهمة وخطيرة وكتير مننا بيغفلها .. تقدر تعملها من هنا
5- تأمين البريد الإلكتروني المربوط بالحساب
النقطة دي بقى بتضيع حسابات كتيرة 
ناس بتنسى حساب الايميل بتاعها اصلاا أو مش بتأمنه فبسهولة بيتسرق وبعد كده يتسرق حساب الفيسبوك بتاعه
التأمين هنا هيبقى حسب نوع البريد الإلكتروني بتاعه .. تأميل الجي ميل غير ياهو غير هوتميل
عموما تأمين الميل - البريد الإلكتروني - بيتم عن طريق:
1- عمل باسوورد كويسة
2- وضع بريد آخر بديل للتواصل مع خلاله في حال سرقة الأول
3- تفعيل الدخول بخطوتين
الجي ميل تقدر تأمنه من هنا - ادخل على الأمان
http://accounts.google.com/
والياهو من هنا
https://safety.yahoo.com/Security/
6- استخدام برامج اخفاء الآي بي
دي بقى نقطة صعبة شوية ومحتاجة تركيز .. وبشكل عام مش كل الناس محتاجينها
الفكرة هنا انك بتمنع ان حد يقدر يتتبع المكان اللي بتدخل منه على الفيسبوك .. فيه مديرين صفحات كتير بيتقبض عليهم بالطريقة دي
فزي ما قلت مش لازم كل الناس تعملها .. واللي محتاج يعملها هنصحه يستعمل متصفح اسمه TOR وده موجود موبايل وكمبيوتر .. وكمان يدخل على الفيسبوك من المتصفح ده باستخدام الرابط ده بالتحديد
https://facebookcorewwwi.onion/
كده بدون الدخول في تفاصيل معقدة محدش هيقدر يتتبع مكان دخولك على الإنترنت
دي شوية فيديوهات للي يحب يطلع على تفاصيل أكتر:
https://www.youtube.com/watch?v=e0jTZBZAeTE
https://youtu.be/gjpbfo-COFE
تحت أمركم في أي استفسار

المشاركات الشائعة من هذه المدونة

محدث - حقائق صادمة : ذهب مصر المنهوب ... عن جبل السكري نتحدث #SCAF #Egypt #NoSCAF

دليل حقوق المواطن وواجباته عند التعامل مع أجهزة الشرطة - وزارة الداخلية