هام وعاجل !: اللجان الإلكترونية تعمل في صمت ولكن بغباء !! #SCAF #OccupyCabinet

يبدو أن المجلس العسكري انتقل إلى المرحلة النهائية وهي مرحلة استدراك الثورة والقضاء على الثوار نهائياً !! ويبدو ان اللجان الإلكترونية تعمل في نشاط لكي تجر الثوار إلى مواجهة نهائية بعيدة عن ميدان التحرير لكي تقضي عليهم وعلى سمعتهم بدون رجعة !!
هذا الكلام مبنى على حقائق وليس أوهام واستنتاجات مطلقة وسأورد لكم ما حدث معي على تويتر وبقليل من التفكير سوف تصلون إلى نفس النتيجة :
كنت نشرت على تويتر تدونة توثق الجرائم التي قامت بها قوات وكتائب طنطاوي في التحرير والقصر العيني فجائني هذا الرد من واحدة لا أعرفها تقول لي :
هل ستظل السلطة (جيش+شرطة+قضاء) تحتقر و تقتل الشعب طالما لم يتم القصاص من السلطة
وهذا هو رابط حسابها للمراجعة : https://twitter.com/#!/EgyptFofo/
المهم أني رددت عليها رد عادي ولم ترد علي مرة أخرى ...

بعد ساعات جاءني رد على نفس التويتة من شخص آخر لا أعرفه يقول لي :
اياكم و الاقتراب من بيوت اعضاء المجلس العسكرى و اهلهم .. لو اعرف عناوينهم حاروح ادافع عنهم .. احنا الشعب مش مهم
وهذا هو رابط حسابه للمراجعة : https://twitter.com/#!/amldawla/
المهم أني رددت عليه : 
‏ على فكرة محدش طلب ولا فكر يعمل لهم حاجة كأشخاص - إحنا مشكلتنا معاهم سياسية مش شخصية !!
ومرة أخرى لم أتلقى رداً لعدة ساعات

وفي النهاية جاء لي رد من واحدة أخرى لا أعرفها لتكمل الخطة البلهاء !! فقالت لي : 
يمكن قصده التنبيه الى نقطة ضعف المجلس العسكرى .. مش عارفة
وهذا رابط حسابها  للمراجعة  https://twitter.com/#!/heemara_shee_7a/

عندها استطعت ربط النقاط ببعضها !! وبالبحث وجدت أن هذا الأمر حدث حرفيا مع العديد من النشطاء على تويتر !! إذن فهذه هي الخطة وان كان تم تنفيذها على أننا معاتيه وسذج وسوف ننساق وراء هذا الكلام الأهبل ؟
المشكلة أيضا أني أثناء بحثي وجدت نقطتين آخرتين تدعم نفس الخطة :
- الأولى : هي تصاعد مطالبات بأن نتحرك للتظاهر أمام منزل طنطاوي !!
- الثانية : تحدث بعض الناس أنه لابد من التحرك إلى منزل اللواء الرويني الموجود في مدينة نصر على حد قولهم !!
الآن إكتملت الصورة وهي أن يتم دفع الثوار إلى التحرك أمام منزل أحد أعضاء المجلس العسكري لكي يتمكن الجيش والشرطة من القضاء نهائياً على الثورة وإعطاء الصورة النهائية للشعب أن الثوار هم مجموعة مرتزقة ومخربين يدمرون ويحرقون - راجع سيناريوهات مهاجمة وسرقة المتحف المصري وإحراق المبنى العلمي ومبني الطرق  والكباري وغيرهم - وها هم الآن يريدون مهاجمة أعضاء المجلس العسكري وبيوتهم وطبعا الشعب كله مستعد لأي شيء يحدث للثوار وموافق عليه مبدأيا خصوصا مع اكتمال نظرية المؤامرة والفوضي !!!
الخطة شيطانية والسيناريو جاري تطبيقه والأدلة واقعية !!
## صور لتكرار نفس الكلام مع عدد من النشطاء حرفيا !



كلمة أخيرة : الحذر واجب والتوعية مهمة جدا والخطوات بجب أن تكون محسوبة قدر المستطاع والمهم أن لا ننساق لمحاولات جرنا لمواجهات دامية تطبق قبضتهم على البلد وتخرس الثورة إلى الأبد ... وليعلم الجميع أن هذه الثورة لم ولن تتحول إلى ثورة دموية حبا وحرصا على بلدنا وسنصل إلى مطالبنا لا محالة مع طول الصبر وحسن التصرف ... والله على ما أقول شهيد!

==================================================
ردود الأفعال :
1- وصلتني تهديدات هبله على تويتر لا ألتفت لها فهي تسير على نفس نمط الغباء السابق ذكره !! ولا أدري كيف يدفع من يدير هؤلاء مرتبات لهم على غباءهم منقطع النظير !!
2- وصلتني ردود لا حصر لها على تويتر من نشطاء وصلهم نفس ما وصلني مما يؤكد سيناريو المخطط المذكور !
3- مشاركة قيمة وصلتني من الأستاذ : محمد عبد المجيد - يقول :
هناك بعض الملاحظات التي تعضض هذا التحليل:
1. هذا المستخدم
لديه تابع وحيد (إلي الأحد ديسمبر 18 2011 تمام السادسه مساء ، توقيت شرقي أمريكا الشمالية). المفارقة أن هذا متبوع هو المستخدم الآخر
المذكور في التدوينة عاليه.

2. كلاهما يستخدم نفس الوسمة (hashtag) التي يستخدمه الآخر: tahrir#

3. كلاهما لديه نفس العبارة التعريفية في البروفيل: "هل ستظل السلطة (جيش+شرطة+قضاء) تحتقر و تقتل الشعب طالما لم يتم القصاص من السلطة #tahrir Please RT "

4. كلاهما عمل إعادة تغريد (ريتويتس) كثيرة للاخر من حوالي 11 ساعة.

5. احدهم (EgyptFofo) يستخدم ملحقة شبيهة بما يستخدمه كثير من الذين يسبون في الثوار على موقع Facebbok، وهي "Fofo" في إسم المستخدم الخاص به، حيث يستخدمون أسماء الدلع في العامية المصرية.

6. كلاهما نشط فقط خلال الساعات القليلة الأخيرة وهو الملاحظ من التغريدات الخاصة بهم.

7. كلاهما صورة بروفيل تبدو مأخوذة من جهاز عليه نظام تشغيل ويندوز وبخاصة من الصور المحملة مع نظام التشغيل، وليس صورة شخصية ولو حتي ملفقة.

تعليقات

  1. أنا رايي نبعت للناس اللي مشغلاهم علشان دول ميستحقوش مرتبات :) دول أغبيا

    ردحذف
  2. غير معرف12/19/2011 12:27:00 ص

    اشاركك الرأى فلابد ان تصلو لأهدافكم بالصبر والاصرار لأن من يريد الاستمرار فى السرقة و الهيمنة فى السلطة الان يرتعش وتصرفاته تدل على ذالك كما أن مرور الايام تزيد منرصيد نجاح الثورة اذا فالصبر و من يضحك أخيرا يضحك كثيرا .

    ردحذف
  3. التهديدات بدت توصلني :) هبل هبل والله - لو أعرف اللي مشغلهم اقول له متدفعلهمش مرتبات ! دول معاتيه وأغبيا :)

    ردحذف
  4. غير معرف12/19/2011 12:40:00 ص

    يا استاذ عمر طب ايه قولك ان في ناس فعلا بتحرض على خطف حفيدالمشير و الانتقام منه.اقسم بالله جاءنى هذا مع صورة للحفيد شاب لا يتعدى 18 عام

    ردحذف
  5. باسل عبدالله12/19/2011 12:44:00 ص

    الكلام ده حصل معايا بالضبط لكني لم ارد لتفاهه الموضوع! ولكن هل لاحظت رد المتسرع المسمي دكتور خفاجه؟ هذا وامثاله الخطر علي الثوره والثوار بأعطائهم الزريعه لتنفيذ مخططاتهم!

    ردحذف
  6. غير معرف12/19/2011 12:49:00 ص

    likeeeeeeeeeeee chee bs bardo fi nas ktera mesh hatfhm 7aga ya sha3ban aktr mn nos elsha3b gahlwbymshe wara el23lam

    ردحذف
  7. اللي بيقول ان فيه ناس بتحرض على خطف حفيد المشير ! علشان كده أنا بنشر الكلام ده علشان افضح الخطط الهبله دي ومش ممكن يقول الكلام ده أو يفكر يعمله حد من الثوار !!

    ردحذف
  8. أستاذ باسل - مين دكتور خفاجة ده وقال إيه ؟؟

    ردحذف
  9. غير معرف12/19/2011 01:13:00 ص

    متهيألي دول أسرهم وأقاربهم وذويهم وكده خايفين بس

    ردحذف
  10. الناس فاكرة ان مافيش ثورة بمجرد المظاهرة السلمية - بمجرد هتافات وكلمات ولافتات مرفوعة مفهوم الناس عن الثورة انها لما تكون دموية وبالعنف وبامتلاك السلاح عشان كده تلاقي قطاع عريض مبهور بالثورة الليبية مش فاهمين ان الثورة لكن التونسية والمصرية - عبقرية
    ومن قبل استخدمها المسلمون الاوائل
    واصدع بما تؤمر - صدق الله العظيم

    ردحذف
  11. الكلام ده حصل معايا شخصيا كتير اوي

    ردحذف
  12. أنا حصل معايا حاجه مختلفه شويه
    1. جالي تويته عن موقع للتسجيل للدفاع عن الثوره عملتله ريتويت
    2ز دخلت سجلت عليه و هو عباره عن google document a تسجل الاسم و الموبيل و التويتر و الايميل و الفيس بوك
    3. يدوب بعدها جالي add request علي الفيس بوك من واحده ما أعرفهاش أسمها Doaa Saleh
    https://www.facebook.com/profile.php?id=100000230083688

    4. في نفس الوقت جالي نوت علي الياهو أن طلب تغيير الباسورد كذا كذا و خش غير الباسوورد, و اللي هو ممكن يكون phishing بس عملتله ريبورت و لسه ما جاليش الرد

    أفتينا يا بوب

    ردحذف
  13. غير معرف12/19/2011 01:27:00 ص

    هذه ثورة مباركة ..تبدو كمسمار كلما دُقَّ رأسه تشبث فى الخشب .. الثورة تتغلغل الأن فى نفوس الأطفال والوعى يستيقظ رويداً فى أرواح الشباب ..والعسكر ماهرون فى خلق اعداءهم .. أصبح لنا الأن بين أئمة الأزهر بعد استشهاد الشيخ عفت ألف ألف خطيب على دربه ..وبين زملاء علاء عبد الهادى ألف الف طبيب ثائر .فهل نستنكف أن ندفع ثمن الحرية؟

    ردحذف
  14. امبارح لقيت اكاونت عالفيسبوك بتاع واحده بتدعى انها بنت عم او من عيلة الروينى او شاهين على ما اتذكر وسايبة الناس تشتم فيه وتقول بصراحة الناس عندهم حق فى الشتيمه وتقول انها حتروحله البيت وتكلمه عشان العيله وسمعة العيله اللى حيحطها فى الطين ... الكلام والحوار ما دخلش دماغى

    شكرا لنشر هذه المعلومات

    ردحذف
  15. بالضبط كده يا محمد - وكأن قريبة ممدوح شاهين اكتشفت النهاردة انه بيسيء لإسم عيلتها !!

    ردحذف
  16. ياريت كان فيه عندي خاصية لايك علشان اعمل لايك لتعليقات كتير
    شكرا ليكم جميعا

    ردحذف
  17. المسحراتي - متزعلش مني - إوعي تعمل كده مره تانية
    مش اي حد يتكلم بإسم الثورة تثق فيه !!
    أنا مقدرش أجزم باللي حصل معاك بس كلامك باين
    نصيحة عامة تغير كل باسوردات حساباتك على تويتر وفيس بوك وياهو للإحتياط

    ردحذف
  18. غير معرف12/19/2011 01:55:00 ص

    خلي عندك إيمان بالله ربنا أراد سقوط حسني وبعض أعوانه ونجاح جزئي للثوره كمل إيمانك واعرف كويس أوي إن ربنا لو أراد عكس ذلك سيكون ولو وقف العالم كله إنسه وجنه يعني لو الله سبحانه وتعالى أراد لهذا البلد الهلاك فلن يكون ظالم لها لأن الله لا يظلم أحدا ممكن حد يقول إن الي إختشوا ماتوا "أستشهدوا" ويمكن يكون لسه من الي بيختشوا ويمكن يكون خلاص بح كل الي باقي عليهم اللعنه فاليرضى الجميع بما قسمه الله لهم الرأي الآخر هو الله تعالى يمهل ولا يهمل وفي أشد الأوقات صعوبة في الرؤية وعدم معرفة الحق يوجب الصمت والتمسك بما لديك والحذر من الفتنة حتى يأتي أمر ربك بالنصر وما النصر إلا من عند الله وإن النصر لقريب إن شاء الله.

    ردحذف
  19. غير معرف12/19/2011 02:11:00 ص

    I think some people are not thinking clearly of what's best for the revolution to succeed. Or they maybe as you have concluded. See this post in the English page We are all Khaled Said:
    Gehad Mohamed
    ياشباب مصر يجب ان نتوجه فوراً للمركز الطبى العالمى لأستئصال ورم مصر الخبيث بأيدينا مبارك وزوجته رداً على مافعله كلاب العسكر وسحله حتى ميدان التحرير
    كما سحلوابناتنا وهتكوا اعراضهم . وهذا اقل قــصاص
    I think some people are not thinking clearly of what's best for the revolution to succeed. Or they maybe as you have concluded.

    ردحذف
  20. غير معرف12/19/2011 02:13:00 ص

    انا بطلت اقرا اى كومنتات لللاشخاص اللجان منتشره موووت

    ردحذف
  21. مش عارف مش يمكن انت نفسك تطلع تبع اللجان الاليكرونية و بتخوف الناس من انهم يروحوا يتظاهروا عند بيوت المجلس العسكري علشان تحميهم؟؟؟؟؟؟؟؟؟؟؟؟؟؟؟؟؟

    ردحذف
  22. غير معرف12/19/2011 02:24:00 ص

    والله العظيم مجلس الخونه هو اضعف مما تتخيلون وان لوحظ ان كل الطلابات الثوره لا تنفذ اللي عندما يخرج الناس في مليونيه و ينفذها خوف لا عن اقتناع و لاكن للاسف فهم هذه نقطه الضعف امن الدوله و مجرمي الداخليه و ضغطو علي مجلس الخيانه العسكري بما يعرفوه عنهم و عن اولادهم و الفساد و اكيد لديهم الادله و استجاب لهم خوف و عندما يضغط الشارع يستجيب و لاكن وعود دون تنفيذ او يماطل و ان شاء الله سيكون انتهاء الانتخابات و انتهاء مجلس الخيانه في يناير 2012 لانهم اغبياء و يمكرون و يمكر الله و الله خير الماكرين كان التاريخ سايكتب اسماءهم باحروف من دهب و لاكن اراد الله سبحانه ان يكشف سرهم و خيانتهم لله و الوطن و اضاعو فرصه عمرهم ليذكرهم التاريخ نبلاء اعزاء و ليس خونه عملاء قتله لصوص حقراء هم و من يساندهم او معهم علي نفس الطريق العزه و المجد للشهداء و الخزي و العار علي من شاهد الحق و لم ينصره

    ردحذف
  23. ممكن طبعا يا إيهاب :) أو أكون أنا أصلا فوتو شوب :)
    عموما أنا بقول اللي شايفه وانت صدق اللي تشوفه صح
    مش أكتر

    ردحذف
  24. غير معرف12/19/2011 02:54:00 ص

    شكراااا اخ عمر على نصيحتك وانا مقتنع بيها جدا لازم ثورتنا تبقى سلمية حتى لو منجحتش كلها...انا عارف ان كلامى غريب بس السلمية بتحافظ على ارواح ناس كتير جدا لان مهما كنا مسلحين مش هيبقى معانا دبابات وطيارات والكلام ده وكمان الجيش المصرى قوى جدا وطبيعة مصر غير طبيعة ليبيا وكمان مش كل الجيش المصرى زبالة زى اللى عند مجلس الوزراء دلوقتى..انا سمعت على موقع عسكرى من واحد "شخص عادى زينا يعنى مش عسكرى" ان اللى عند مجلس الوزراء دول كظباط وجنود تم تنقيتهم بعناية شديدة وبقية الجيش ميعرفش حاجة تقريبا..وجالى اتصال النهاردة الصبح من صديق فى الجيش هو عسكرى مجند واخد سنة واحدة وخريج كلية هندسة وميعرفش اى حاجة عن الاحداث مع انه دلوقتى فى حلوان بيعملوا منشأت تابعة للجيش..وفيه كمان معلومة مش متأكد منها ان بيبقى فيه لواءات فى الجيش"لواء زى لواء مشاة او مدرع مش شخص لواء يعنى) بيكونوا كده لوحدهم مش تبع الجيش التالت او التانى ويقال انهم بيكون ولائهم للكبار فى الجيش...والدليل ان مش كل الجيش سئ ضباط 8 ابريل وضباط 27 مايو...مش عايزين ندى لحد فرصة انه يبيدنا فى دقائق ومن غير تمن لازم بجد نعرف الناس دى بتفكر ازاى..هما ايبين الاحداث مستمرة والضرب والعنف من جانبهم شغال رغم انهم بيخسروا من رصيدهم كتير عند الشعب على امل ان احنا نشيل سلاح ويكون ليهم حجة امام الشعب والعالم لقتلنا...وشكراا

    ردحذف
  25. زينب عامر12/19/2011 03:51:00 ص

    أظن كل التخطيط دا شبيه بتخطيط عمر عفيفي المحسوب على الثوار فى مهاجمة وزارة الدفاع والعصيان المدنى وكأنهم شبكة واحدة .
    المشكلة انهم بيستغلوا حماس الثوار ضد الثورة ونلاقة نفسينا فجاة ضعنا بسبب ثوار زينا ولكنهم فى مرحلة من الغاء العقل وتشويه من جانب مستفيدون ووصوليون يسارعون لتنفيذ المخطط الغبى وكأننا بنصفى حسابات مع وزارة الدفاع ولا مع المشير ولا مع ابن اخوه وفجأة نبقى بلطجية ومثيرى شغب وفتنة ولا يمنع حد يعمل حاجة اكتر نبقى قتلة وحسبي الله ونعم الوكيل فيهم وفيمن استخدم الثوار .
    خدوا بالكم فكروا شوية اسمعوا غيركم قبل اى تحرك لان اى تحرك محسوب علينا واحنا ولاد البطة السودا وكبش الفداء

    ردحذف
  26. ده ايه ده ...........هبل ولا عبط

    ردحذف
  27. طيب ما من غير كلام كتير لحسن تقول عليا انا كمان ايه من بتوع البتاعه الالكترونيه دى ... إحتمال كبير جداًًًًاًاًاًاً يكون فى طرف تالت مستفيد ..دهلأن احنا كمتظاهرين او معتصمين بنبرأ نفسنا وهما كمجلس وجيش بيبرأو نفسهم والاتنين مصديقينهم ناس كتيير اوى

    ردحذف
  28. غير معرف12/19/2011 08:31:00 ص

    انا شوفت برده واحدة عند نوارة نجم بتقولها نروح بيت طنطاوي زي ما روحنا قصر الرئيس , بس انا شخصيا شاكة ان ده حد من المجلس العسكري مع المخابرات المصرية عايز يعمل انقلاب على طنطاوي فبيقوم الناس عليه ويطلع هو يمسك مكانه وفي ححاجات قريتها بتقول ان عنان بيخطط لانقلاب

    ردحذف
  29. غير معرف12/19/2011 08:56:00 ص

    بعد الاطلاع كلامك مظبوط واظن اللي بيكتب على الحسابين شخص واحد
    بس غبي اوي

    ردحذف
  30. غير معرف12/19/2011 09:18:00 ص

    المطلوب ان من ياتى الى الحكم لايجد من يقف امامه اى كان هذا الحاكم و بما ان الاخوان و السلفيون هم من يعتلى الكراسى و هذا ما اتفقوا عليه مع عمر سليمان اثناء الثورة من شق الصف و التخوين و الاستفتاء و تعديل قانون الانتخابات فلابد من ابادة الثورة على النحو الذى يسرى الان و لذالك تجدهم مؤيدين للحاكم كما كان يفعل الوطنى تماما و هذا واضح فى ازاعتهم و صحفهم لان المتفق هو ان العسكرى حكم من خلف الستار و اسما انهم الذين يحكمون و لكن الثوار هم من يقف امام ذالك المخطط فالكل اجتمع على ابادتهم عموما يمكرون و يمكر الله و الله خير الماكرين احب اقول شىء ان من نصر هذا الشعب على فرعون الوطنى قادر على ان ينصره على كل هذا المخطط الشيطانى لان كيد الشيطان ضعيف

    ردحذف
  31. غير معرف12/19/2011 09:48:00 ص

    هي فعلا سيناريو بيدل علي غبائهم بس للاسف لا احد يعرف الحقيقة الا الماكثين علي الفيس

    ردحذف
  32. غير معرف12/19/2011 10:11:00 ص

    مش اى حد ضد التخريب يبقى فلول يا مش محترم ....عمر الشال كلامك يدل على تربيتك ... ولو كان اللى يحب بلدة وضد مدعيين الثورية فلول فالشعب كلة فلول ولتذهب الى الجحيم بخفتك

    ردحذف
  33. أشكر كل من اهتم بالتعليق حتى من هاجمني

    ردحذف
  34. اللهم اكفناشر الفتن ماظهر منها و ما بطن و انا متفق تماما معك هناك بالتأكيد من يحاول اللصاق التهم بالثوار و تشتيتهم

    ردحذف
  35. غير معرف12/19/2011 03:40:00 م

    كلام غريب جدا كل فئه معتقده انها الحق و تستخدم الايات القرآنيه وكانها يُوحى لها...ما علينا..انا مش هناقش حاجه غير ان الثوار اذا كانوا يعلمون ان هذا مخطط لهم فلم لا يتبرأون مما يحدث من حرق مؤسسات ةو مجمع علمى و غيره..لماذا لا تهاجمون البلطجيه و اطفال الشوارع المأجورين لافساد صورتكم امام الشعب؟؟!!! سكوتكم عنهم مريب..و دفاعكم عنهم اكثر ريبه!!! ازاى تعتبروهم شهداء و تطالبوا بحقوقهم وهم مخربين بلا جدال... اذا كان ما يحدث مخطط لتشويه الثوره فلم تساعدون انتم على اكماله وتدافعون عن بلطجيه... بصراحه الناس كرهت حاجه اسمها ثوره لان الناس عايزه تطلع خطوه للامام و انتم بترجعوهم مئات الخطوات للوراء..الناس فى البيوت مرعوبه مش من الانفلات الامنى و لكن من خوفها على مستقبلها و مستقبل اولادها وهم شايفين البلد بتتدمر..

    ردحذف
  36. اوسخ ناس.. يقتلون اجمل ناس.. واغبى ناس يؤيدون ذلك بكل بجاحه.

    الي من ذهبت عقولهم وماتت ضمائرهم.. افيقوا قبل ان تفيقوا في قبوركم.

    لن تنفعكم ملياراتكم ولا مناصبكم ولا حراساتكم من الله القوي الجبار.

    ردحذف
  37. غير معرف12/19/2011 07:33:00 م

    أتمنى أن تفكروا في طريقة للخروج من اﻷزمة بدل أن يحصل خلط بين الثوار وبين البلطجية، وبدل الوصول إلى الحالة اليمنية التي لا تتقدم ولا تتأخر.

    أغلب الثوار المعروفة آراؤهم قبل ٢٥ يناير والذين كانوا ضمن المتظاهرين منذ البدابة موجودون على تويتر. فلو حصل بينهم تواصل على هاشتاج معين، ووضعت المطالب الرئيسية ثم الفرعية للثوار سواء كانوا منضمين لائتلافات أو غير منضمين، ثم يمكن إصدار بيان واضح بالمطالب وطريقة تحقيقها، ويمكنهم التوقيع على هذه البيان بأسمائهم، فيكون البيان ممثلا لرأيهم بدون أن يضطروا لاختيار قائد يمثلهم للقاء المسؤولين، ويمكن لبقية أفراد الشعب تأييد البيان بإعادة نشره.

    ما دام المجلس العسكري يعترف مضطرا بفضل الثورة، لكنه يلعب بورقة "مش من ثوار يناير"، "وتحدثنا مع أحد الثوار" ، "وكلما توصلنا لاتفاق مع أحد الثوار يظهر لنا من يقول أنه لا يمثلهم" فيجب أن يعرف هو ومجلس الوزراء ومجلس الشعب والمجلس الاستشاري بالضبط ماذا يريد ثوار يناير وما هي مواقفهم من هذه المجالس ومن جميع اﻷحداث التي وقعت منذ انطلاق الثورة حتى اﻵن.

    والله خير حافظا وهو أرحم الراحمين.

    ردحذف
  38. يقابلني الكثير من الغباء الالكتروني واقوم بطردهم وحظر كمان عشان مش ناقصين قرف

    ردحذف

إرسال تعليق

أرجو عدم كتابة أي تعليق مسيء للأديان أو مخالف للآداب العامة وأعد بنشر ما سوى ذلك مهما كان

المشاركات الشائعة من هذه المدونة

10 Amazing Facts You Didn’t Know About Domain Names

وكالة الأنباء الهولندية : القذافي تعرض للإغتصاب بعصاه قبل وفاته #Gaddafi #Libya

حملة إعرف فلولك وعلم عليه : #شفيق لم يقم بطلعة جوية واحدة في حرب 73 !!