أفضل طرق الربح من على الانترنت
(1) العمل على الإنترنت
احنا اتفقنا قبل كده ان طبيعة الدنيا تغيرت والإنترنت غيرت كل حاجة .. لو اقتنعنا بكده نقدر نبص للإنترنت على انها سوق كبير مليان بفرص العمل .. الإنترنت لغت الحدود والمسافات
وتقدر بمنتهى البساطة تعمل شغل لشركة في تايوان صاحبها مستثمر كندي .. المهم تبقى ماهر في الحاجة اللي بتعملها وتكلفة شغلك مقبولة.
الأمثلة للمواقع اللي تقدر تشتغل منها على الإنترنت كتيرة منها مواقع أجنبية ومواقع عربية
(2) الإعلانات – مواقع وفيديوهات "المجد للمحتوى الجيد"
كل الإنترنت بيبحث عن المحتوى الجيد .. سواء ان كان المحتوى ده مقال أو شرح أو تعليم أو فيديو
لو عندك حاجة بتاعتك تقدر تفيد الناس بيها .. تقدر في نفس الوقت تسغلها في الربح وتحط عليها
إعلانات وتكسب منها، لو عايز تعرف ازاي استنى الحلقة اللي هنشرح فيها الموضوع ده
أشهر شبكة إعلانات على الإنترنت هي جوجل آد سنس، وفيسبوك بدأت تنافس في المجال دهعايزك تعرف ان
شركة بحجم جوجل 95% من دخلها من الإعلانات .. تخيل!
شركة بحجم جوجل 95% من دخلها من الإعلانات .. تخيل!
فيه أكتر من 300 ألف برنامج على الموبايل بيستخدم الإعلانات كدخل جوجل بتدفع نسبة بتتراوح بين 50% إلى 68% من دخل الإعلانات للناشرين
(3) تسويق وبيع المنتجات
الإنترنت أستبدلت كل الأساليب القديمة في قرار الشراء .. فبدل الرأي الشخصي أو وورد أوف ماوث بقى عندنا السوشيال ميديا بكل مميزاته، وتقدر في أي وقت تعرف آراء الناس في أي منتج قبل ما تشتريه، من خلال الإنترنت تقدر تخلق سوق لمنتجاتك وتبيعها، وكمان تقدر تسوق لمنتجات غيرك وتاخد عمولة.
حجم عمليات التجارة الإلكترونية اللي تمت في 2014 على الإنترنت بيقدر ب 1.5 تريليون دولار "ألف ألف مليون دولار"
80% من مستخدمي الإنترنت اشترو أونلاين
46% من العملاء بياخدو قرار الشراء بعد البحث على الإنترنت "تدوينات وآراء العملاء"
(4) البورصة والفوركس
من خلال الإنترنت تقدر تشتري وتبيع الأسهم أو العملات .. زي ما قلنا الإنترنت لغت الحدود والمسافات، فتقدر تستثمر فلوسك في شراء أسهم شركة جوجل أو ي شركة تانية، وكمان تقدر تضارب في أسعار العملات، الفكرة هنا هي استخدام الإنترنت كوسيط بس للإستثمار في أسواق ما تقدر توصلها.
(5) الريفيرال والعمولات
موضوع الريفيرال أو العمولات من أشهر الحاجات المنتشرة بين الشباب وبيضيعوا فيها وقت ومش بيكسبوا منها فلوس .. الفكرة بتسوق على انك تكسب فلوس بمجهود قليل وبدون تعب وده في الحقيقة كلام فاضي، لو عايز تعرف ازاي تستفيد من الموضوع ده وتكسب منه إزاي وإيه حدود المكسب أصلا تحتاج تتفرج على الحلقة دي
تعليقات
إرسال تعليق
أرجو عدم كتابة أي تعليق مسيء للأديان أو مخالف للآداب العامة وأعد بنشر ما سوى ذلك مهما كان