اثبت يا طاهر أفندي!

- إيه يا واد يا طاهر اللي حصل النهاردة ده!؟
- شفت يا فندم .. الولاد شرفونا ورفعوا راسنا ومسحو شكلنا الوحش بعد فضيحة المنتخب
- شرفونا ورفعوا راسنا ايه يا أفندي .. ايه اللي انت بتقوله ده! انت مشفتش الماتش ولا إيه؟
- إزاي يا فندم شفته - دنا كنت في الإستاد حتى حضرتك!
- منا عارف انه كنت مسكوع في الإستاد - مششفتش عبد الظاهر عمل ايه؟
- اه يا فندم شفته - حتة جون انما إيه .. خلص الماتش ابن اللذينة
- خلصت روحك يا بعيد .. انت مشفتش الواد ده عمل ايه؟
- آسف يا فندم مش فاهم قصد حضرتك
- قصد ايه وزفت ايه! الواد ده عمل حركة قبيحة ولازم يتشد
- عمل ايه أنا مخدتش بالي .. كنت بهيص حضرتك!
- رفع صباعه السافل
- يا نهار اسود يا فندم .. رفع صباعة لمين السافل ده؟
- مهو لو صبع واحد كان بقى فله .. السافل رفع أربع صوابع
- خبر إسود .. أربع صوابع مرة واحدة؟ لمين دول كلهم
- الحق عليا اني جبتك وزير وانت الظاهر ملكش فيها - رفع اشارة رابعة يا مغفل!
- يا خبر اسود يا فندم .. ده أنا هخرب بيته
- ايه يا طاهر بيه! هو انت مش عارف انك نور عنيا ولا ايه!
- ربنا يحفظ عنين سعتك يا فندم .. فاهم فاهم .. ده أنا هقطم زمارة رقبته
- ولا انت مش عايز تبقى قد الدنيا يا طاهر بيه؟.
- لا يا فندم دحنا كل همنا رضا حضرتك .. ده أنا هقعده في البيت .. هحوله للتحقيق بتهمة خلط السياسة بالرياضة يا فندم، ده أنا هنسيه اسمه قبل ما أنسيه رابعة دي.
- ايوه كده يا طاهر متزعلنيش منك
- ربنا يخليك لينا يا فندم .. ده انت الخير والبركة
ده موضوع مش محتاج فكاكة يا فندم.

المشاركات الشائعة من هذه المدونة

دليل حقوق المواطن وواجباته عند التعامل مع أجهزة الشرطة - وزارة الداخلية

محدث - حقائق صادمة : ذهب مصر المنهوب ... عن جبل السكري نتحدث #SCAF #Egypt #NoSCAF