مطلوب شفيق ..... إيــه ؟؟!

مطلوب شفيق
لشعب طول عمره خنيق
لشعب كان هيثور زمان لكنه صار
بإدين كبار وإيدين صغار
مفعول بيه بيقسموه ويفرقوه
ويطلعوا فعين اللي جابه واللي جابو أبوه
علشان فلول تحكمه

مطلوب شفيق
لشعب حكامه خانوه وعسكروه
وفالعباسية زوحوه
وأخدو منه ثورته
وزودوله محنته
علشان كلابهم ينهشوه

مطلوب شفيق
يحمي الفلول
ياكل حقوق الناس تمام زي الملوك
ويكون حنين على الفساد
وعالغلابة يفتري
ياخد مال البلد يابيه
ويوزعه عاللي حواليه

مطلوب شفيق
يقدر يحاسب الثوار
يقدر يظُّلِم النهار
ويخلي كل حياتنا ليل
يطلع جيل جديد ذليل
للاختصار مبارك بديل!

عمر الشال
 19/04/2012

المشاركات الشائعة من هذه المدونة

محدث - حقائق صادمة : ذهب مصر المنهوب ... عن جبل السكري نتحدث #SCAF #Egypt #NoSCAF

شاهد مع عمر الشال كيف تؤمن نفسك علي الفيس بوك ؟

دليل حقوق المواطن وواجباته عند التعامل مع أجهزة الشرطة - وزارة الداخلية