يسقط عمر سليمان .. يسقط الفلول .. يسقط يسقط حكم العسكر

كتر الهزار والسخرية بإن عمر سليمان هيعتقلنا ويعدمنا والكلام ده بيهبط العزيمة وبيرسخ الخوف لدى البعض !
عمر سليمان مش بعبع ومش راجل قوي زي ما عايزين يفهمونا ! ده واحد من مجرمي النظام مش أكتر ! 
عمر سليمان كان هو الحاكم الفعلي للبلد لما جابه مبارك نائب له وبالرغم من كده رفعناله الجزم في التحرير !

عمر سليمان مسيره هيتحاسب ان شاء الله ويعاقب على جرائمه مش يترشح للرئاسة ! 
إحنا شباب الثورة ما موتناش ولا انتهينا ! وحتى لو متنا أولادنا موجودين ينصروا بلدنا ويرفعوا راسنا ! انضحك علينا أه ! اتفرقنا أه ! لكن همتنا وعزيمتنا تهبط ... ألف لا ! 
لا هنرضى بعمر سليمان ولا بحد من العسكر ولا الفلول ! هو دم الشهداء ده كان ميه ولا ثورتنا كانت فتوشوب بجد !!! 

ولو الشعب رجع للخوف تاني وبيدور على حد يستعبده ! 
فإحنا بفضل الله لسة أحرار! وهنكمل المشوار .. والثورة منصورة بعون الجبار.



يسقط كل من خانوا .. يسقط كل من هانوا
ويسقط كل من وقفوا فى وش جيل بيتحرر
ويسقط كل من ضربوا .. ويسقط كل من قتلوا
ويسقط كل من شطبوا سطور فى تاريخ بيتسطر
ومن تانى رخص دمى وسال فى شوارع التحرير .. معدش ينفع التبرير
ورجعوا وقالوا تستاهل .. لكن عارفين! انا استاهل
عشان انا كنت متساهل ...ولجل يكون فى معلومكم .. مفيش حرية بالساهل
ومهما يسيحوا فى دمى ارادتى مش هتتكسر .. فدا بلادى تروح الروح .. ولا اشوفها بتتعسكر

المشاركات الشائعة من هذه المدونة

محدث - حقائق صادمة : ذهب مصر المنهوب ... عن جبل السكري نتحدث #SCAF #Egypt #NoSCAF

شاهد مع عمر الشال كيف تؤمن نفسك علي الفيس بوك ؟

دليل حقوق المواطن وواجباته عند التعامل مع أجهزة الشرطة - وزارة الداخلية