لؤي مش بلطجي ... لؤي ثورجي
اللي متابعه على تويتر يعرف أنه ثورجي بجد - بيحب مصر بجد - وأكيد أكيد مش بلطجي.
قالوا انه اتقبض عليه يوم 28 يونيو عند مسرح البالون - وده مش صحيح لأنه كان في الوقت ده حاضر اجتماع تنسيقي للجنة اكتب دستورك بإيدك وناس كتير جدا تشهد على كده.
ومش بس كده.
تغريداته على تويتر كان آخرها يوم 29 يونيو الساعة 6 صباحا ... يبقى إزاي اتقبض عليه يوم 28 ؟؟؟
من آخر كلامه يومها قال:
" قربنا من مدخل الداخلية وكده غلط. الوزارة ممكن ترد برصاص حي "
و كانت آخر رسائل للؤى:
"المتظاهرين على بعد 100 متر من بوابة الداخلية"
"ومصابين متعدش يا مولانا"
وبعد كده اتقطع أى اتصال مع لؤى وده كان الساعة 6 وشوية صباحاً.
لده مش ممكن يبقى كلام حد بلطجي !!!
أنا أخويا كان موجود يومها وأنا كنت هنزل علشان أعرف وأشوف بعنيا ايه اللي بيحصل بالضبط ... يعني بحسبه بسيطة جدا - زي ما قلت في الأول - أقدر أحط نفسي مكانه !!
معقولة دي تبقى مصر بعد الثورة اللي كلنا كنا هنضحي بأروحنا علشانها ؟
يبقى أولادها اللي بيحموها مرميين في السجن الحربي بعد 10 ساعات بس من القبض عليه !! والبلطجية الحقيقيين واللي بيدفعولهم عايشين في بلدنا وبيخططوا ضدها وضدنا ؟
والناس اللي أفسدوا حياتنا وبلدنا سنين وسنين منقدرش نحاكمهم عسكري ونقول لازم محكمة مدنية ليهم !
أنا ضد المحاكمات العسكرية أصلا - لكن زي ما بيقولوا المساواة في الظلم عدل !!
أنا عايزك تفكر كويس في لؤي وتحط نفسك مكانه 5 دقايق .
تخيل كمان أن لؤي مريض بالقلب وأهله مش قادرين يدخلوله الأدوية في السجن !!! فيه حاجة غلط !
المطلوب أن كلنا نقف مع لؤي واللي زيه - اللي منعرفش عددهم قد ايه - بكذا طريقة :
1- نظهر دعمنا للؤي من خلال الفيس بوك وتويتر
وتقدر تظهر الدعم على صورة حسابك من خلال:
http://twibbon.com/join/freeloai
2- نوصل للناس كلها حكاية لؤي
3- نضغط على المجلس الأعلى للقوات المسلحة انه يحول الشباب دول لقضاء المدني علشان نضمن انهم يتحاكموا صح وياخدو براءه بإذن الله
4- نحافظ على بلدنا ونحافظ على ثورتنا اللي لسه مكتملتش لحد دلوقتي وعلشان كده بيحصل حاجات غلط زي موضوع لؤي
الموضوع في سطور:
- لؤي نجاتي 21 سنة طالب بكلية الحاسبات والمعلومات بأكاديمية الشروق وناشط سياسي على تويتر .. شارك فى تغطية العديد من الفعاليات والأحداث المرتبطة بثورة 25 يناير وكعادته فور معرفته بأحداث الاشتباكات التى حدثت بميدان التحرير الثلاثاء 28 يونيو أسرع إلى هناك ليغطى الأحداث وينقل ما يحدث على الأرض لمتابعيه على تويتر.
- لؤى تم القبض عليه وتم ترحيله للسجن الحربي وفور انتشار خبر القبض على لؤى عبر عدد كبير من النشطاء وغيرهم من متابعى لؤى عبر حسابه على تويتر عن استياءهم من إلقاء القبض عليه خاصة عندما كتب أخيه طاهر عبر حسابه على تويتر بأن لؤى متهم بإثارة الشغب عند مسرح البالون على الرغم من كونه كان متواجدا فى التحرير حيث عبروا عن استياءهم من التهمة التى وصفوها بالكاذبة الموجهة له حيث كانت كل رسائله تؤكد أنه متواجد بميدان التحرير .
- لؤي لديه مشاكل مزمنه بالقلب.
أخبار عن الموضوع:
http://elbadil.net/%D8%B4%D9%82%D9%8A%D9%82-%D9%84%D8%A4%D9%8A-%D9%86%D8%AC%D8%A7%D8%AA%D9%8A-%D9%85%D8%B9%D8%AA%D9%82%D9%84-%D8%A7%D9%84%D8%B3%D8%AC%D9%86-%D8%A7%D9%84%D8%AD%D8%B1%D8%A8%D9%8A-%D8%A7%D9%84%D9%85%D8%B1/
فيديوهات عن لؤي:
صفحة دعم لؤي على الفيس بوك:
http://www.facebook.com/FreeLoai
حساب لؤي على تويتر:
http://twitter.com/#!/LoaiNagati
قصص مشابهة للي حصل مع لؤي:
- عمرو عبدالله البحيري
http://www.facebook.com/FreeAmr
- محمد عادل
http://www.facebook.com/pages/%D9%85%D8%AD%D9%85%D8%AF-%D8%B9%D8%A7%D8%AF%D9%84-%D8%B4%D8%A7%D8%B1%D9%83%D8%AA-%D9%81%D9%89-%D8%A7%D9%84%D8%AB%D9%88%D8%B1%D8%A9-%D9%81%D8%AD%D9%83%D9%85%D9%88%D8%A7-%D8%B9%D9%84%D9%8A%D8%A7-%D8%A8%D8%AE%D9%85%D8%B3-%D8%B3%D9%86%D9%88%D8%A7%D8%AA-%D8%B3%D8%AC%D9%86/108142135932012
- عمرو عيسى
http://www.facebook.com/FreedomAmr
مادا نقول لهم وهم من الاصل بلطجية نظام بلطجة منهم واعتقال تحت قانون البلطجة الامنية وصاحب النظرية والتطبيق هو السجين العادلى والمخلوع الدى لانعرف اين هو انهم بلجية هدا الوقت بمجلسهم العسكرى وامنهم المركزى الدى لايحمى الشعب بل هو لقمع الشباب الثورى الشريف ولؤى هو منهم من شرفاء الشباب التى تفتخر مصر بهم وتعتقلهم من هم اعداء مصر وشعبها اليس من حق كل مصرى ان يرفض هدا القمع والعنف المتعمد مع ابنائنا الهم اعنا وقوى ايمانا وثبت خطنا لمنع كل اثم وفاسد ولعين فى هدا الوطن وان يومهم قد قرب وتلوح لنا شمس الحرية من جديد وسوف يلحق بركب الفاسدين كل يد تقمع او تعنف او تعتقل كل شريف فى هدا الوطن وموعدكم قريبا ولن تبقوا على ارض مصر طويلا
ردحذفالله ينور عليك يا أسامة
ردحذف