أنا المصري

عايش قرفان فبلد مغمومة
عايش زهقان والناس مهمومة
بحاول أعيش حياتي وأجرب
لكن أمالي يوماتي بتهرب
أنا المصري

سافرت الخليج أشوف شغلانة
شفت المرار ودقت المهانة
رجعت لبلدي فاتحلها دراعي
لقيت وجودي ملوش عندها داعي
حياة مفيش .. مستقبل مليش
ومهما عملت .. حياتي فطيس
أنا المصري

فبلدي الناس عدد في اللمون
لومليش معارف أعيش مجنون
غرقت أو مت اتحرقت أو تهت
كأني ما كنت
أنا المصري

هسافر يابلدي لبلاد بعيدة
عايز أجرب حياة جديدة
يمكن نجاح ويمكن سقوط
بس المهم أعيش مبسوط
أعيش بنى آدم وليا كيان
مش مجرد خروف بشكل انسان
أنا المصري

وفاكرك يابلدي أكيد مش ناسيكي
بشستاقلك .. بحبك .. بحب اللي فيكي
هسافر وهنجح وأعودلك أكيد
أعودلك كأني اتولدت جديد
أفديكي يا بلدي بحياتي وعمري
ومهما عملتي بحبك يا عمري
لأني طول عمري اسمي المصري

عمر الشال

تعليقات

  1. جامده جدا
    وانا المصرى برضو

    ردحذف
  2. يااااااااااااه يا ماندو :)
    أخيرا نورتنا
    يارب باقي الحاجت تعجبك :)

    ردحذف
  3. بجد روعه تسلم ايدك عجبتني جدا يارب نشوف حاجات كتير حلوه كده:)
    وعلي فكرة انا كمان مصريه:(بس لسه مسفرتش الخليج:)

    ردحذف
  4. غير معرف8/09/2009 01:39:00 ص

    جميل يافنان

    ردحذف
  5. حاجه تلخبط :)
    يعنى الموضوع كله ماشى مفهوم لغاية آخر قطعة
    بصراحة بعد ماقريتها كلها انا شايف انك تستاهل كل اللى يجرالك :)

    ردحذف
  6. مهو فعلا يا عم أحمد ده حال المصريين
    بالرغم من كل البهدله بنحب بلدنا !

    ردحذف
  7. وفاكرك يابلدي أكيد مش ناسيكي
    بشستاقلك .. بحبك .. بحب اللي فيكي
    هسافر وهنجح وأعودلك أكيد
    أعودلك كأني اتولدت جديد
    أفديكي يا بلدي بحياتي وعمري
    ومهما عملتي بحبك يا عمري
    لأني طول عمري اسمي المصري



    ....
    تسلم يا أبو يوسف
    كلنا هذا الرجل

    ردحذف
  8. غير معرف8/09/2009 02:57:00 ص

    يا عمر والله كبير يا باشا

    دقيت على الوتر الحساس

    لسة كانت موضوع عن عمل المرأة

    خليها تخرب بالمرة

    اخوك جمال الدين

    ردحذف
  9. غير معرف8/09/2009 06:51:00 ص

    Mido
    المشكله ان الواحد خايف مت كتر الفساد ده يكرها يابشمهندس
    بس جميله استمر

    ردحذف
  10. غير معرف8/09/2009 11:25:00 ص

    تسلم يا عموره صحيح ده الحال بس بكل حب أنا المصرى M M

    ردحذف
  11. والله يا عمر جميل جدا جدا بس لو كلنا سبناها ومشينا يبقي عمرها ما هتتعدل لازم نصبر ونصمم لحد ما تتصلح(تتصلح واحنا فيها يا تتصلح يا نتخنق ونموت) وبرده بنحبها

    ردحذف
  12. اشكر كل من شرفني بالتعليق على القصيدة المتواضعة
    بس حابب أعلق على بعض الآراء المكتوبة :
    في بعض الأحيان الواحد بيفرغ اللي جواه على الورق - أو على الكي بورد :) - وأظن الكلام ده حال ناس كتير
    مش مقصود اننا كلنا نسافر ونسيب البلد بس لما نقول كده الواحد بيفرغ الهم اللي جواه.

    اشكركم مرة تانية.

    ردحذف
  13. وشرفك يا بلدي سحابة وتعدي
    ده احنا ياما خدنا منك
    فيها ايه لو يوم نديكي
    لو سنة نديكي
    يا نهار ابيض انت استحلتيها والا ايه يا بلدي
    حد يلحقنا يا ناس من بلدي

    إحنا بتوع الاتوبيس يا جدعان والله احنا بتوع الاتوبيس

    شوف يا عمر لو فضلت تكتب بالشكل ده انا وانت هنحصل ابو فتحي

    ردحذف
  14. معلش مين ابو فتحي ده ؟ انا حبه اطمن علي مصير زوجي:)

    ردحذف
  15. انا المصري المغترب طول عمري
    اتولدت في السعوديه واتربيت هناك وسافرت ادرس في بريطانيا بعد فشلي في دراستي في مصر
    بس بره اثبتت نفسي في غير دراستي.. بس اظن كل ده عشان انا مصري

    انا مصري ومعتز جدا جدا مصرويتي
    عمووور جامد طحن الشعر
    وبحبك يا مصر

    ردحذف

إرسال تعليق

أرجو عدم كتابة أي تعليق مسيء للأديان أو مخالف للآداب العامة وأعد بنشر ما سوى ذلك مهما كان

المشاركات الشائعة من هذه المدونة

10 Amazing Facts You Didn’t Know About Domain Names

وكالة الأنباء الهولندية : القذافي تعرض للإغتصاب بعصاه قبل وفاته #Gaddafi #Libya

حملة إعرف فلولك وعلم عليه : #شفيق لم يقم بطلعة جوية واحدة في حرب 73 !!