مين عمر الشال

أنا أسمي عمر عبدالواحد محمد الشال ، ثائر مصري ، يساري يميني أو يميني يساري ... شاب زي شباب كتير مصريين بيحبوا بلدهم وبيعشقوها وعرفوا هم بيحبواها قد ايه بعد ثورة 25 يناير.
ربنا أكرمني إني أشارك في الثورة من يوم 25 يناير بس مش من أول اليوم - من بعد العصر تقريبا لما قدرت أكسر حاجز الرهبة جوايا وعرفت يعني إيه أكون مصري.
مش عارف ليه الناس دايما بتبص على الناشطين السياسيين على إنهم إما شباب صغير أو ناس مش لاقيه شغل أو ناس مرتاحة مادياً ... وكأن مينفعش يكون فيه حد بيشتغل في السياسية وبيشتغل وناجح في شغله العادي !!
أنا أشتغلت في حاجات كتيير وأنا صغير بس من كتر حبي للكمبيوتر تدرجت في وظايف كتيرة داخل وخارج مصر وأنا الآن أعمل مدير إدارة التسويق الإلكتروني في احدى الشركات الكبرى.
بحب القراءة والكتابة بس مبحبش الكلام الكتير ... علشان كده بكتب قصص قصيرة ومقالات قصيرة - كتبت مقالات رياضية كتيرة اتنشرت على موقع الأهلي - لأني أهلاوي وبحب الأهلي - وكنت بكتب مقالات سياسية بس مش كتيرة .. وبعد الثورة بقت كل إهتماماتي تقريبا هي مصر والسياسية ونشرت لي بعض مقالات في موقع جريدة الشروق ومصراوي و صحيفة التغيير وغيرهم.
أتمنى أشوف بلدي أحسن بلد وأهلها أحسن ناس وهعمل كل اللي أقدر عليه علشان كده .. مش عايز أصدعك بكلام كتير بس لو حبيت الخص عمر الشال في كلمتين هقول ... مصري وبس.

المشاركات الشائعة من هذه المدونة

محدث - حقائق صادمة : ذهب مصر المنهوب ... عن جبل السكري نتحدث #SCAF #Egypt #NoSCAF

دليل حقوق المواطن وواجباته عند التعامل مع أجهزة الشرطة - وزارة الداخلية