محدث - حقائق صادمة : ذهب مصر المنهوب ... عن جبل السكري نتحدث #SCAF #Egypt #NoSCAF

جبل السكري هو جبل يقع علي بعد حوالي 15 كيلو متر جنوب غرب مدينة مرسي علم بالصحراء الشرقية بجمهورية مصر العربية. ويحتوي على منجم للذهب. المنجم يتم استخراج الذهب منه منذ عهد الفراعنة، وقد توقف استغلاله عام 1958 لانعدام الجدوى الاقتصادية لانخفاض تركيز الذهب في العروق الباقية بالنسبة لسعر الذهب، 20 دولار للأوقية آنذاك. ومع ارتفاع سعر الذهب في العقد التسعينيات من القرن الماضي (الأوقية قاربت على 1,000 دولار عام 2008) تقرر إعادة استغلال المنجم في عام 1994 وإستؤنف في عام 2008. ويقدر إحتياطي الذهب الموجود فيه إلى 10 ملايين أوقية في عام 2008.

الإستخراج اليومي اكثرمن 100طن صخر، ونسبة تواجد الذهب 21جرام في الطن بينما المعلن هو 2جرام فقط ، الاحتياطي بجبل السكري حوالي مليون طن ذهب وهو اعلى من احتياطي منطقة حضرموت باليمن .
ويعتبر منجم السكرى هو احدث منجم فى مصر تقوم على تشغيلة شركة ( Centamin Egypt ) المحدودة وتبلغ مساحة المنجم 160 كيلو متر مربع ومرخص للعمل لمدة 30 عام قابلة للتجديد مرة اخرى لمدة مماثلة ومخزون المنجم عبارة عن  نطاق هش وسهل التكسير يحوى مخزون الذهب والذي نجده متداخل مع مركبات شبة جراتينية  من بلورات التوناليت  الجرانيتة ذات الحبيبات  البركانية.

وما حكاية الذهب ؟
يقول المهندس الإستشاري للمشروع أن الاحتياطى المؤكد لإنتاج الذهب فى المنجم يقدر بـ١٥ مليون أوقية، بما يعادل ٣٥٠ مليار دولار تحصل منه الدولة على ٥٠٪، بعد خصم تكلفة الإنتاج والاستخراج والتصنيع وخصم الضرائب المستحقة، وأن وزارة البترول ممثلة فى الهيئة العامة للثروة المعدنية هى الشريك الرئيسى فى الإنتاج.

وقال المهندس مجدى قبيصى، محافظ البحر الأحمر، في عام 2009 أن مشروع إنتاج الذهب بجبل السكرى هو البديل الرئيسى للبترول لتمويل الخزانة العامة للدولة.
وأضاف قبيصى أن هناك خمس شركات كبرى تعمل فى الإنتاج والبحث عن الذهب بصحراء مرسى علم، أهمها بمنطقة حمش.
فيديو تقرير عن جبل السكري والذهب

وهذا فيديو آخر جرافيك ترويجي صممته الشركة المسئولة عن التنقيب في بداية عام 2010 واتنشر على اليوتيوب في اول شهر سبتمبر 2010 ويظهر فيه حجم الكتلة الذهبية اللي تم تصويرها بالمجسات وبالاقمار الامريكية - تقريبا قرابة مليون طن دهب وحجم الكتلة يساوي تقريبا ثلث حجم جبل السكري

الانتاج قبل الثورة كان 10 طن يوميا ، من بداية مارس عندما نام الشعب فى المنزل ، قامت الشركة بشراء معدات تنقيب ثقيلة لزيادة الإنتاج ، والانتاج حاليا تضاعف في غياب الرقابة أو في وجود التواطؤ !! اختر أيهما شئت.
لينك الفيديو :


لماذا الحديث عن الذهب الآن ؟ 
الحقيقة تقول ان دخل مصر من عائد استخراج الذهب من منجم جبل السكرى وحده يستطيع ان يعيش شعب مصر فى ثراء فاحش ولكن هناك تعمية تامة على الموضوع حتى ينهب حقك وتعيش فقير لا تفكر فى اى شىء غير دوامة لقمة العيش على طريقة حكمة ( جوع شعبك تحكمها )!!


والواقع يقول - كما يذكر بعض العاملين في المنجم - أنه يتم تهريب اغلب الإنتاج من خلال مطار خاص بالشركة الاسترالية وبإشراف كامل من رجال مبارك حتى اليوم ومكان المطارعلى بعد 300 كيلو متر جنوب غرب مرسى علم ، ويتم تهريب كمية بسيطة من مطار مرسى علم على مرئى من العاملين بالمطار .
وبعد الثورة تم استيراد معدات اضافية وزيادة معدل الانتاج الذي وصل لعشرين طن في اليوم ، لاتوجد اي رقابة على جبل السكري من اي جهاز بالدولة ويعتبر منطقة شبة عسكرية وممنوع تواجد المواطنين المصريين فيها .

وقد قام العمال فى الشركة بالاضراب الكامل عن العمل بعد خلع المخلوع في يوم 16 فبراير كما نشرت بوابة الوفد - حيث قال الخبر:
يدخل العاملون فى منجم السكرى لاستخراج الذهب بمرسى علم فى إضراب مفتوح عن الطعام من صباح الغد حتى يشعر بهم أولو الأمر للسيطرة على المنجم وإنقاذ ثروة مصر من النهب.
وقد صرح أحد العاملين بالمنجم لبوابة الوفد بأن مطالبهم ليست شخصية بالمرة وإنما صرختهم للمسئولين سواء كانت وزارة البترول والثروة المعدنية أو قوات الجيش لتولى أمر المنجم الذى يحتوى على ثروة ربما تضع مصر فى ترتيب الدول الأكثر غنى فى الشرق الأوسط على حد قوله.

ما أثار الريبة لدى العاملين هو رؤيتهم لسيارات تأتى ليلا ثم تغادر دون أن يعلموا وجهتها ولا حتى سبب مجيئها, وزاد رعبهم على ثروة مصر من الذهب أن اكتشفوا بالصدفة صورة لمجموعة من العمالة الأسترالية التى تدير المنجم بجوار عرق ذهب ضخم ولا يعلم أى من العاملين المصريين عنه شيئا مما يثير مخاوفهم من وجود عمليات نهب منظم للمنجم .

وأضاف أن المنجم بدأ إنتاجه منذ سنتين ويبلغ طول الجبل 500 متر وحفر بعمق 180 مترا بالإضافة إلى الذهب الموجود داخل عمق الأرض وأن الشركة المتعاقدة مع وزارة البترول استرالية وأقل راتب لأى أجنبى لا يقل عن 30 ألف دولار,ومصروف جيب 300 جنيه يوميا وكذلك لهم سلطة الدخول لكل منطقة فى المنجم دون المصريين الذين لا يستطيعون الدخول إلا مناطق معينة لا يتعدوها, وهذا مايثير الشك لدى العاملين المصريين.

وأضاف العامل بالمنجم أن إضراب الغد بمثابة صرخة استغاثة.. أنقذوا ذهب مصر قبل وقت لا يفيد فيه الندم.


مع العلم بأن منجم جبل السكري منطقة محظورة على اي مواطن مصري قبل الثورة وبعد الثورة ، سوف تشاهد فى الفيديو فى الدقيقة 1 صب الذهب في بلوكات وزنها 30 كيلو وفى الدقيقة 1و45 ثانيةالصخر المستخرج من تحت الجبل وهو من الكتلةالتي تقدر بمليون طن ذهب يتم استخراجها بالحفر ، كل طن ذهب مقابله 5 طن صخرعادي مشتبك مع الكتلة وهذا يرشدك بأن انتاج المصنع بالطن في اليوم وليس بالاوقية كما يكذب مبارك وعصابته ، فى الدقيقة 6 شاهد فرن الصهر وكمية الذهب الذي ينتج بكثافة كما لو كان حديد ، فأنتاج المنجم بالطن والفرن يوضح حجم مايتم انتاجه وحجم البلوك ستشاهده في النهاية ، لينك الفيديو :

وهذا لينك يوجد بداخله تقرير غير موثق عن سرقات وتهريب 250 مليار جنيه بعد الثورة ومنها سبائك من انتاج منجم السكري :

والذي لايعرفه الكثيرون أن جبل السكري ليس هو الوحيد الذي حباه المولي عز وجل بعروق الذهب, بل هناك الكثير, فأجدادنا الفراعنة وفدوا وجاءوا إلي الصحراء الشرقية منذ آلاف السنين وسلكوا الطرق الوعرة وتحدوا صخور الجبال وعزفوا سيمفونية أكثر من رائعة في البحث والتنقيب عن الذهب وحققوا نجاحا باهرا واكتشفوا عشرات المواقع التي تحتوي علي خامات الذهب حيث استطاعوا تحديد عروق الكوارتز الحاملة لهذا المعدن واستخلصوه منها حيث كانوا يزينون به معابدهم وتماثيلهم وربما يأخذون منه حليا لزوجاتهم ومحبوباتهم.
والدليل علي ذلك تلك الخريطة التي عثر عليها أخيرا بمتحف ترينو بايطاليا والتي هي مصنعة من ورق البردي ومحدد عليها125 موقعا للذهب غالبيتها في الصحراء الشرقية وجنوب مصر ومنطقة العلاقي التابعة لنطاق الصحراء الشرقية أيضا بمحافظة أسوان, ومن بين أهم المواقع التي حددتها هذه الخريطة بنطاق الصحراء الشرقية والتي استغلها الفراعنة منجم جبل السكري الذي يحتوي في باطنه علي نحو20 مليون أوقية من الذهب, منها13 مليون أوقية مؤكدة و7 ملايين تحت التأكيد ومنطقة تسمي سكيب ومنطقة الفواخير علي بعد70 كم من طريق القصير ـ قفط.
وهناك مواقع حوضين والحنجلية وأم عود وعنتود والصباحية وهذه المناطق قريبة من جبل السكري وهناك عدة مواقع بوادي العلاقي بأسوان ومنجم البرامية بنطاق مرسي علم بالقرب من طريق مرسي علم ـ ادفو ومنطقة تسمي أبومروان ناهيك عن المواقع الموجودة بالشلاتين.
يقول عصمت الراجحي مدير عام منجم السكري بمرسي علم إن قضية التعدين في مصر بصفة عامة والذهب بصفة خاصة تحتاج أول ماتحتاج إلي قانون تعديني جديد يحتوي علي تشريعات مرنة حتي يمكن للمستثمرين اقتحام هذا القطاع وبما يحافظ علي حقوق الدولة, مشيرا إلي أن التشريعات الحالية عميقة ومفيدة وأيضا مطلوب شركات قوية قادرة علي تحمل مخاطر التعدين لاستغلال مثل هذه الخامات التي تحتويها الصحراء الشرقية وضرورة إيجاد مناخ المنافسة بين هذه الشركات من خلال وضع التيسيرات اللازمة لها من قبل الحكومة.
ويضيف أن مصنع منجم السكري أصبح من أشهر مناجم الذهب في العالم وبات مروجا قويا للثروة التعدينية في مصر بدليل أنه حتي الآن هناك120 شركة عالمية زارت هذا المنجم وابنهروا جميعا ببراعة العامل المصري الذي يعمل في هذا المصنع, أي أن الظروف باتت مهيأة تماما لانطلاق الاستثمارات في هذا القطاع.

شاهدوا هذا الفيديو الذي يتهم مبارك بالإستيلاء على إيراد مناجم الذهب وعدم إدراجها في الموازنة العامة للدولة


فمتى يستيقظ الشعب المصري ليحافظ على ثرواته التي كانت ومازالت تنهب !!!

## تحديث في 20/9/2011##
رئيس قرية البضائع: ذهب "منجم السكرى" يسافر للدمغ فى كندا ولا يعود
قال حمدى القاضى، رئيس قرية البضائع بمطار القاهرة الدولى، إن كميات الذهب التى يتم جلبها من منجم السكرى بمرسى علم البحر الأحمر لتصديرها إلى كندا بهدف تنقيتها لا تعود إلى ميناء القاهرة الجوى مرة أخرى.

وأضاف فى تصريحات صحفية أنه خلال الفترة الماضية خرجت كميات كبيرة من الذهب الخام عن طريق الجو إلى كندا لتنقيتها ودمغها بالدمغة العالمية، لكنها لم تدخل البلاد عن الطريق الجو، كما لم يتم الإعلان عن عودتها مرة أخرى للبلاد عن طريق الموانى البرية أو البحرية.
وأضاف أنه رغم صدور قرار بحظر تصدير الذهب المصرى، إلا أن القرار تم إلغاؤه مرة أخرى وعادت الأمور إلى طبيعتها، وكل ما يلزم شحنات الذهب للخروج من البلاد هو موافقة مصلحة الدمغة والموازين، وهيئة الثروة المعدنية بوزارة البترول، وهو ما تم بالفعل على جميع الشحنات التى خرجت من مطار القاهرة الدولى عن طريق قرية البضائع.
يشار إلى أن شحنات كبيرة ومتعددة خرجت من ميناء القاهرة الجوى بشكل دورى على مدار الشهور الماضية كان من بينها شحنة بوزن 503 كيلو، تبعها شحنة أخرى بوزن 400 كيلو، وتم شحنهم مباشرة إلى كندا عبر الخطوط الجوية الفرنسية، وغيرها من الشحنات بأحجام متقاربة.



بعض أخبار عن جبل السكري في وسائل الإعلام:

الأهرام : قال حمدي القاضي وكيل وزارة المالية لجمارك قرية البضائع بمطار القاهرة اليوم الأربعاء إن سبائك الذهب المستخرجة من منجم السكري بمرسي علم لا تعود لمصر لأنها تباع في البورصات العالمية بعد تنقيتها واقتسام ثمنها طبقا للتعاقد بين مصر وشركة "ستامن" الإسترالية التي تتولي استخراج الذهب من المنجم الذي يعد من أكبر 10 مناجم ذهب في العالم....


اليوم السابع : خلال الفترة الماضية خرجت كميات كبيرة من الذهب الخام عن طريق الجو إلى كندا لتنقيتها ودمغها بالدمغة العالمية، لكنها لم تدخل البلاد عن الطريق الجو، كما لم يتم الإعلان عن عودتها مرة أخرى للبلاد عن طريق الموانى البرية أو البحرية.


البديل : عمال منجم السكري يكشفون عن نقل طنين من الذهب وقطع أثرية لجهة غير معلومة.. والقوات المسلحة تتدخل لوقف التهريب و أكد عمال منجم السكري وهو منجم ذهب بالصحراء الشرقية جنوبي مرسى علم وصول قوة من الجيش إلى المنجم للإشراف على سير العمل وعمليات نقل سبائك الذهب من المنجم, وذلك بعد أن كشف العمال عن قيام عدد من المسئولين بنقل كميات كبيرة من سبائك الذهب لجهات غير معلومة وبطرق غير معتادة, منذ سقوط الرئيس المخلوع حسني مبارك.
وكانت هيئة الثروة المعدنية قد نفت في رد نشرته إحدى الجرائد المصرية اليوم حدوث أية عمليات سرقة في المنجم الذي تشرف عليه شركة سنتامين مصر.

وكانت أخبار قد تواترت بدون توثيق أن وسائل اتصال قد انقطعت في محيط جبل السكري وتم قطع خدمة الانترنت واعلنت وزارة الداخلية حالة الطوارىء بالمنطقة بالكامل ويعزو النشطاء هذا الأمر لمحاولة التعتيم على موضوع جبل السكري وقطع وسائل التواصل مع العاملين فيه!

المصادر:
صحيفة التغيير - بوابة الوفد - جريدة المصري اليوم - مصراوي - بوابة الأهرام - موقع محافظة البجر الأحمر - فيس بوك

تعليقات

  1. غير معرف9/19/2011 05:55:00 م

    أنا معرفش إنت اللي مألف الكلام ده ولا جايبه منين و إيه مصادرك، بس كلامك مش راكب على بعضه أصلا، و نص الكلام تخريف!!!
    مفيش منجم في الدنيا مهما كان بيطلع 10 طن دهب في اليوم، الدهب بيتباع بالجرام، و الطن فيه مليون جرام، لو منجم واحد بيطلع 10 مليون جرام في اليوم كان زمان الدهب بقى ببلاش. لو كلامك فيه بعض الصحه يبقى 10 طن صخور دول يا دوب يعملوا كم كيلوجرام مش أكتر.

    ثانيا، بتقول إحتياطى المنجم 10 مليون أوقيه يعنى 830 طن. و لو بيطلع 10 طن في اليوم يعني المنجم حيخلص في أقل من 3 شهور؟؟؟!!!

    ثالثا بترجع تقول إن الفيديو بيقول إن إحتياطي المنجم مليون طن!!! الكلام مش ماشي مع بعضه. و بعدين لو منجم واحد إحتياطيه مليون طن ده كان زمان الدهب بيتوزع مع اللبان في السوبر ماركت!!

    و بتقول الفيديو في الدقيقة 1 فيه صب السبايك و الدقيقة مش عارف كام فيه إيه و هو مجرد ناس بترغي!!

    إتقوا الله في الإشاعات اللي بتطلعوها و بلاش فتاوي

    أتمنى إنك تنشر التعليق لو إنت صادق و عندك شجاعة أدبية

    ردحذف
  2. شكرا لك يا "غير معرف" وكنت أتمنى ذلك اسمك حتي يصبح الحوار أكثر جدوى
    مبدأيا أنا نشرت التعليق وأنشر أي تعليق مهما كان لأني لا أحجر على أي رأي مهما كان وتعليق زوار مدونتي بشرفني جدا ويثرني فكريا فشكرا لك
    أولا : ما ذكر هو نقرير مجمع وأذا ذكرت المصادر وليس من تأليفي تماما وحضرتك تستطيع التأكيد بسهولة
    وكما تعلم حضرتك ما يسنخرج و ذهب خام والذهب الخام لا يباع بالجرام كما ذكرت حضرتك بس يمر بعمليات عجة حتى يتحول للذهب الذي نعرفه ويباع بالجرام
    ثانيا هناك تضارب واضح بين الكلام عن الأوقية والطن وهو في الحقيقة أمر مقصود لأن التصريحات الحكومية الرسمية متضاربة وغالبها يقيم بالأوقية والإحصاءات الغير رسمية تقيم بالطن وتقول أن تقيم الحكومة بالأوقية أمر يقصد منه الخداع وتقليل القيم الحقيقية
    التقارير تقول أن الإحتياطي حوالي مليون طن ونحن نستخرج في اليوم 10 طن فكم يوم نحتاج لتفريغ المنجم ؟ رجاء احسبها مره أخرى ! الناتج هو 100 ألف يوم يا أخي العزيز - أي 3333 شهر وليس 3 شهور !
    ثالثا قمت بالرد عليها مع النقطة السابقة

    اشكرك على التعليق وأتمنى منك الرد لو شاهدت ردي
    تحياتي

    ردحذف
  3. غير معرف9/20/2011 04:13:00 ص

    دهب بهذه الكمية و بهذا الكم يفقده قيمته السوقية تماما
    طبقا لقوانين العرض و الطلب
    يعنى الدهب فعلا يبقى ببلاش و يتحول لمعدن لونه اصفر و بس
    يعنى مايبقاش ثروة اطلاقا اذا تم استخراج هذه الكميات منه و لو الكلام ده حقيقى يبقى برضه لازم ما يستخرجش منه كل هذه الكمية حتى لا يؤثر على سعره العالمى و نبقى افسدنا النظام الاقتصادى العالمى تماما خصوصا ان الدول بتعمد على الذهب فى تقدير احطياتى عملتها

    ردحذف
  4. غير معرف9/20/2011 05:11:00 ص

    هذا الكلام لا اعتقد ان له اساس من الصحه مع احترامي للجميع ولكن كلها اشاعات لا اساس لها من الصحه لكي يحرض شعب مصر على المجلس العسكري وارجو من الله ان يفهم شعبنا الفرق بين المجلس الاعلى للقوات المسلحه وبين كيان الجيش نفسه واعتقد ان الفتره القادمه ستكون فتره صعبه جدا في عمليه التحريض على الجيش خصوصا

    ردحذف
  5. أعزائي المعلقين على هذا التحقيق
    أنا قمت بحذف العديد من الجمل والعلومات الغير موثقة التي وجدتها أثناء البحث وكانت تلقي بالمسئولية المباشرة على المخابرات وعلى المجلس العسكري ولم أضمنها في التقرير وليس القصد هو التحريض بل بالعكس - الغرض هو إلقاء الضوء على موضوع مهم جدا وأغلب ما ذكر في التقرير تم في عهد المخلوع

    أعود فأكرر أن ما يستخرج من المنجم هو ذهب خام يمر بمراحل كثيرة حتى يتحول للذهب العادي الذي نعرفه
    ومن يقول أن هذا يقلل من قيمة الذهب فعليه أن يرجع لكمية الإنتاج اليومي من البترول وهي بملايين البراميل ولا يؤثر ذلك على سعر البترول إلا فيما ندر
    التوازن يحدث في إنزال الذهب إلى السوق لا انتاجه أو استخراجه

    أشكر الجميع وأحترم وجهة نظر كل من علق أو هاجمني فلم أنشر هذا التقرير إلى حرصا على المصلحة ولذلك فلا شيء شخصي بالمرة

    ردحذف
  6. غير معرف9/20/2011 05:24:00 ص

    ذا كلام مبالغ فيه وابسط شى لا يوجد مطار بهذا الوصف ثم انى عملت بمطار مرسى علم لمده 3 سنوات ولم يتم اى شئ من هذا القبيل ولا طائرات بضائع ولا حراسات مشدده لاشياء تنقل او اى شئ من هذا القبيل كما ان جميع الكليبات لا تؤكد ان التصوير فى منطقه السكرى وانا اؤكد على وجود الجبل وايضا" يوجد اكثر من 37 منجم للذهب غيره فى الصحراء المصريه كما احب ان اؤكد ان نظام استخراج الذهب يتم بنظام عقود الاحتكار مقابل نسبه للدوله وليس الموضوع كما تم سرده وقد وقع السيد عمر فى خطئ يؤكد كلامى فكيف يقول ان رجال مبارك لا زالوا قائمين على المشروع وبكل سهوله تم التسجيل بهذا الشكل وهذا يدعوا للتسائل هل التصوير صحيح ام ان الكلام هو الصحيح فقد استند لحقائق واقعيه بجانب بعض الفبركه ولكن كل ما كتب ما هو الا مبالغه يجب التفكير فى غرضها الاساسى بعيدا" عن فكره الحق الذى يسرق فالمقصود ابعد من هذا بكثير فيجب الوعى التام وعدم الانسياق لاى اثاره واريد التنويه لو ان الوضع هكذا لكانت البرزيل او جنوب افريقيا اغنى دول العالم لانتاجهم الماس ارجوالتفكير والنظر بعنايه لاخر جمله فى المقال ومحاوله معرفه الغرض فانا لا اجد غير الاثاره.

    ردحذف
  7. غير معرف9/20/2011 06:47:00 ص

    فعلا منجم دهب السكرى وعتود يقدرو يجيبو اضعاف الكميات المكتوبه دى !!!
    المشكله فى اللى بينقض الموضوع معندوش اى درايه او علم بالجيولوجيا وهو ولا فاهم بالبطيخ ..
    ابقى اسال ياخويا اى جيولوجى وهو يقولك ع الصحرا الشرقيه واللى بييجى منها ... والله ممكن تخالى مصر أغنى من السويد !!
    ياريت اللى مش عارف حاجه ميفتيش فى اللى ملهوش فيه

    ردحذف
  8. غير معرف9/20/2011 10:22:00 ص

    والله اتنو بتهرجو
    سايبين الحمار وبتشطرو على البردعه :)
    يعني سبتو الكلام المهم اللي مكتوب وبتهاجمو الراجل اللي كتبه
    طب ما حد يتأكد من الكلام ده ويتعمل تحقيق ولو طلع الكلام فيه مبالغه او غلط زي ما بتقولو نبقى نيجي نهاجم ونشتم الل كتبه
    مش فاهمة انتو عايزين يعني لما الواحد يلاقي حاجة غلط يسكت وخلاص علشان محدش يهاجمة ؟

    ردحذف
  9. أتفق مع الكاتب في أن المكتوب ليس فقط معلومات خطيرة وإنما ترقى لتهمة الخيانة العظمى لذا وجب التنويه أن ملف بهذه الأهمية يجب أن يكون على مكتب النائب العام. وحفظ الله مصر من أيدي المخربين

    ردحذف
  10. غير معرف9/20/2011 12:46:00 م

    لكي الله يا مصر :(

    ردحذف
  11. غير معرف9/20/2011 05:22:00 م

    انا موش خبير دهب بس لو فيه حد عنده خبره ياريت يقولنا الكلام ده صح ولا تخريف ولو هوه موش بينتج بالكميات الاسطوريه اللي في لتقرير حجم انتاجه ايه ماهو لو فيه حكومه محترمه بتصارح الشعب بالحقائق ماكانش ده بقى حالنا

    ردحذف
  12. غير معرف9/20/2011 07:42:00 م

    منجم السكرى مرشح لاكبر 10 مناجم دهب فى العالم وياريت ناخد بالنا من امن الدولة الالكترونية اللى هيا وظيفتها قلب منطق الحق باطل والباطل حق

    ردحذف
  13. والله لو كان غرام واحد بس الى بيتهرب من غير ما نعرف ده فى حد زاته كبير كيف تنهب البلاد ونحن نيام ولا نشعر ولا حتى يتكلم بالموضوع اناس طالما اطرشونا كلاما لا يسمن ولا يغنى من جوع وحسبنا الله ونعم الوكيل فى كل من ولى امر من امور البلاد وسرقها او غفل عنها اوساعد على نهبها وسرقتها والى متى نظل هكذا .....؟؟؟ حتى يسرق ابنائنا وبيوتنا واعمارنا ولاون هذا حدث بالفعل فى العهد الغابر عهد المخلوع ربنا يولع فيه هوا واتباعه واعوانه اللهم امين....

    ردحذف
  14. غير معرف9/21/2011 02:42:00 ص

    بالنسبة لصحة الخبر بتهيالى ممكن يكون صحيح لكن الارقام مش عارف والدليل ان ربنا ذكر مصر فى القرآن وذكر الخير اللى فيها دا اولا ثانيا لو راجعتو التاريخ كليوباترا بالذات لما يوليوس قيصر جاء الى مصر طلبا للذهب لانها كانت مشهورة بالخير وخصوصا فى الذهب
    بالنسبة للناس اللى بتقول ان الدهب لو طلعناه بالكمية دى قيمته هتنزل اق ان الدهب اصلا بقى سعره غالى الكام سنة اللى فاتو دول بالذات لانه تحول من مجرد معدن نفيس للزينة لمعدن يستخدم فى علاج امراض مستعصية وطبعا كلنا سمعنا عن النانو تكنولوجى وتجاربها بيستخدموا جزيئات الدهب فى علاج مرض الايدز لذلك قيمته فى ازدياد كل يوم

    ردحذف
  15. احتمالية عدم صحة الخبر = صحة الخبر .... الاهم من لدية المعلومة الصحيحة ومن في مصلحتة هذا الجدل العقيم الحلول سهله ... لجنة تتكون من الشرفاء في مصر يقرها المجلس تصحبهم كاميرا وخبير جولوجي او اكثر لتوضيح الحقيقة للناس

    ردحذف
  16. محمد عمر معاك بص يا يا استاذنا والله انا سعيد جدا لما شفت المقال ده وكان نفسى حد يتكلم عن الموضوع ده باستفاضة حتى لو فى كلمات مش متيقنين منها خلينا نسير الموضوع وننقب على المعلومات الصحيحه بص والله موضوع الدهب ده محروق منه جدا الجرام ب 320 النهارده واحنا عندنا اطنان فى الصحراء الشرقيه تعرف والله انا جتلى فكره انا مستعد اسافر بره واتعلم علم التعدين ده واخد فيه شهاده من خارج مصر واغير مجال الكمبيوتر ده خالص ونستخرج الدهب ده بس حتى ده مش وارد ساعتها هتلاقى القرارت ال فى البلد ما تسمحش ليك باى حاجه ودى احسن حاجه فى عالم الكمبيوتر انه فيش حكر على اى حاجه فيه الصحراء الشرقيه فيها كنوز كتيره جدا غير الدهب واحنا نعيش فى فقر مدقع اللهم وفقنا لاستخراجه وفقنا لما تحبه وترضاه مره تانى انا سعيد انك فتحت الموضوع ده كان نفسى حد يتكلم عنه باستفاضه جزاك الله كل خير

    ردحذف
  17. اشكركم جميعا على مشاركتي بأفكاركم وآراءكم واتمنى من كل قلبي ان ربنا يصلح لنا بلدنا ويوفقنا ويجعلنا سبب من أسباب الإصلاح

    ردحذف
  18. حاولت التأكد من الخبر ...فدخلت علي جوجل .. وكانت كلمات البحث ...منجم ذهب جبل السكري ...أو جبل السكري فقط ولم اتخيل نتيجة البحث !!!....حسبي الله ونعم الوكيل

    ردحذف
  19. والله ان هذا موضوع خلي الواحد يفكر كتير هو احنه كنه مغيبين للدرحه ديه احنه بئلنه كتير بنتسرق حسبي الله ونعم الوكيل . وربنا يوفقنا لجعل مصر غنيه بشبابه لاستخراج هذه الكنوز من ارضنا والا يحوجنه الي السفر للخارج وجزاك الله خير علي الموضوع ووفقنا الله علي النهوض ببلدنا ونشر العلم بين الناس للارتقاء

    ردحذف
  20. بصراحه الموضوع يستحق بحثه من خبراء متخصصين ومن العاملين بالمشروع للوصول الي الحقيقه بعيدا عن شبهة المبالغه أو الأثاره ، ثروات مصر تستحق التحري في كل شييء يخصها بمنتهي الدقه بحثا عن الحقائق وسعيا لكشفها وعلاج مشاكلها

    ردحذف
  21. يا اخوانا كميات اسطورية ايه اللى بتتكلموا فيها الراجل بيقول جايب من تقرير انه بيتم انتاج 10 طن يوميا وان الطن الواحد بيستخرج منه 21 جرام دهب يعنى كل ما فى الامر انه بيتم استخراج 210 جرام يوميا مش اكتر ولا اقل يعنى محصلش حتى ربع كيلو فين الكميات الاسطورية اللى بتتكلموا عليها دول يادوب شبكة عريس

    ردحذف
  22. بالنسبه للهجوم الفج علي هذا المقال انا اري انه لا يوجد اي داعي لهذا الهجوم فهناك العديد من الطرق ومنها البحث في جوجل عن جبل السكري والتاكد من دقة هذه المعلومات حتي نعرف ما لنا وما علينا كما ان الواقع الذي نعيشه الان وما نسمع عنه من اموال مهربه ومنهوبه من مصرنا الغاليه يؤكد لنا بعضا من هذه المعلومات استعجب لنا ايها المصريين ان اتهمنا بالفقر نجري وراء الخبر ونصدقه وننعي حظنا طوال الوقت وعندما نعر اننا نملك الكثير نثور ونشجب ونعترض هل اعتدنا الفقر ولا نصدق سواه ام اعتدنا دفن رؤوسنا في التراب ولا نستطيع اخراجها افيقوا يا شعب مصر فخير مصرنا كثير ولكن كتب علينا ان ننهب علي مر العصور الم يحين الاوان لنسترد حقوقنا استقيموا يرحمكم الله

    ردحذف
  23. غير معرف9/23/2011 09:25:00 م

    **************************************************الثوار الثوار الذهب المصرىطار********مطلوب العديد والعديد من الثورات للحفاظ على ثروات وكنوز مصر المنهوبة منذ نظام المخلوع وللان حرام المناجم الموجودة فى مصر كفيلة بحل كافة المشاكل الفئوية والغير فئوية

    ردحذف
  24. ملاحظة هامة: سأتوقف عن تحديث هذا الموضوع ونشر ما يتعلق به حتى ننتهي من عمل ملف متكامل عنه في جرنال التغيير

    ردحذف
  25. انا مندهش من العمى اللى احنا فيه واذا كان نظام فاسد وفاشى وسارق للثروات مثل هذا فاين من يعرفون الحقائق لماذا لايظهرون خبايا نظام حسنى وطنطاوى الكلب

    ردحذف
  26. منكوا لله مش عارفين نتجوز ههههههههههههه

    ردحذف
  27. غير معرف10/24/2011 01:13:00 م

    المقال للاسف ملىء بالمغالطات والاكاذيب والارقام المفبركة عموما للناس اللى بتقول عاوزين الحقيقة فيه موقع الشركة الرسمى www.centamin.com
    وفيه كمان موقع وزارة البترول
    وادى صفحة المنجم على الفيس بوك فيها كل حاجة عنه اخباروفيديوهات ومعلومات وصور
    http://www.facebook.com/pages/%D8%AD%D9%85%D9%84%D8%A9-%D8%AF%D8%B9%D9%85-%D9%85%D8%B4%D8%B1%D9%88%D8%B9-%D9%85%D9%86%D8%AC%D9%85-%D8%A7%D9%84%D8%B3%D9%83%D8%B1%D9%89-%D9%85%D9%86-%D8%A3%D8%AC%D9%84-%D8%AA%D9%86%D9%85%D9%8A%D8%A9-%D9%85%D8%B5%D8%B1-Sukari-gold-mine-campaign/179952175392520

    ردحذف
  28. شكرا لك على التعليق وكنت أتمنى حضرتك تقول اسمك علشان نعرف نتناقش
    وهحتفظ بتعليق حضرتك ومش همسحه لأن الهدف هنا معرفة الحقيقة مش التسخين أو عرض وجهة نظر واحدة
    أشكرك

    ردحذف
  29. يا سيدي و هو الدهب و بس اللي بيتنهب ما كل اللي في البلد منهوب

    ردحذف
  30. غير معرف11/19/2011 12:09:00 ص

    ان مصر قديما كانت من اغنى دول المنطقة بما فيها من خيرات زراعيه وذهبيه وتبادل تجاري ما بين اجنوب والشمال .. مصر الحضارية منذ الازل تسرق ومازلنا عايشين..كل ماهو مطلوب هو الرقابة على كل ثروات مصر.. لاننا نتفاجأ كل يوم بأخبار متعددة تفور الدم وقد سبق ان سمعنا انه ان هناك 75 طن خرج في فبراير ولم يعد..مبروك عليهم ولكننا نرغب في حصر ماتبقى ويكون تحت رقابة صارمة زي اي دولة مفيهاش حراميه وعموما الارقام مبالغ فيها ولكن لو جرام واحد دا حقنا وانا عايز حقى حتى لو ربع جرام يامشير

    ردحذف
  31. غير معرف1/03/2012 01:25:00 ص

    كنت اتمنى المشاركه بالتعليق على هذا المنشور القيم .. الا انه لم يحالفنى الحظ بالعثور على تلك الصفحه الا مؤخرا ومتاخرا.. ولكن .. انا احد العاملين بذات المنجم .. منجم السكرى .. وقد نوهت على صفحات اليكترونيه كثيره عن هذه القضيه وهذا النهب من هذا المنجم لعصابه متخصصه فى هذا الباع وهى عائله ( آل راجحى) ومجموع افرادها لايتعدى اصابع اليد الواحده .. الا ان جبرو تهم ونفوذهم وعلاقاتهم بذوى النفوذ واصحاب المصالح الشخصيه من وزراء ومسئولون يعملون بمناصبهم حتى الان والذين سهلوا لهم عمليات النهب المنظم والمقنن لذهب منجم السكرى .. فان موضوع القضيه المطروحه سليم جدا الا ان هناك مغالطات فى الارقام الانتاجيه .. ولكن الاهم والاكيد ان هناك ( عشرة اطنان ومايزيد ) قد تم انتاجهم من هذا المنجم من اول يناير 2010 حتى الان بمصنع متهالك تم شراؤه بواسطه هذه العصابه من بوليفيا وتم محاسبه الدوله على قيمه ماليه مخالفه لقيمته وهناك امورا اخرى تخالف الحقيقه والمقصود منها النهب الواضح والمغالاه فى النفقات حتى تطول مده الانتفاع للاستخراج .. هذا خلافا عن المنتج من الذهب الذى يطير الى كندا بحجه التنقيه والدمغ ليتسنى للعصابه طرحه بالاسواق العالميه .. هل كان الفراعنه يصدرون ذهبهم الى دولا اخرى للتنقيه .. عجبى .. هناك ياساده يامحترمون .. فريقا منظما من كبار رجال الدوله وعصابه تفننت فى نهب ثرواتنا ..ندائى واستغاثتى للمجتمع المصرى باكمله ان هناك قانونيون ورجالا شرفاء يتولون رفع الدعاوى القضائيه لبطلان اتفاقيه مجحفه تنفذ لصالح العصابه باكملها ويعود عليهم باقتصاد دوله يفى بان يخرجنا من ازمتنا الاقتصاديه دون الحاجه لاستعطاف اى دوله للاقتراض .. آن الاوان ان نفيق من غفلتنا وعبوديتنا ونحن ولدنا من رحم ثوره مجيده ان نطالب بحقوقنا التى وهبنا الله اياها .. ان نتكاتف مع المحترم محرر هذا المقال وما اثاره من قضيه جديره بالاهتمام

    ردحذف
  32. أخي العزيز صاحب التعليق الأخير
    أرجو منك مشكورا التواصل معي من خلال الإيميل أو التليفون وكلاهما مذكور في بياناتي الشخصية للأهمية
    وأشكرك مرة أخرى

    ردحذف
  33. انتظروا تغطية مميزة جدا لهذا الملف الشائك على صفحات صحيفة التغيير

    ردحذف
  34. غير معرف1/29/2012 12:46:00 م

    إلى غير المعرف الأول في التعليقات: بالنسبة لكلامك عن انهيار سعر الذهب في السوق طبقا لقانون العرض والطلب فأنت تفترض أن كل كمية الذهب المستخرجة سيتم طرحها في الأسواق وهذا الافتراض غير واقعي بالمرة، هناك سلع وخامات أخرى كثيرة كالماس منها احتياطيات في المناجم ومخازن الدول المختلفة تكفي لجعل جرام الماس في نفس سعر كيس الشيبسي ولكن هذا بالتحديد ما يمنعهم من طرح هذه الكميات بالكامل في الأسواق وإنما تطرح كمية بسيطة جدا، لكن لمعلوماتك الخاصة مخزون احتياطي الذهب في أي دولة من المعايير الرئيسية لتحديد قيمة عملتها، فلو فرضنا اننا نزلنا شوية من ذهب منجم السكري في أسواقنا وصدرنا كمية أخرى قليلة للخارج واحتفظنا بالباقي كاحتياطي استراتيجي فمن السهل أن يؤدي ذلك إلى تحول الجنيه المصري إلى جنيه استرليني وربما أكثر قيمة

    ألف شكر لصاحب المدونة على التوثيق الممتاز، ويسقط يسقط حكم العسكر!!!!

    ردحذف
  35. غير معرف2/26/2012 04:38:00 م

    عمر الشال عنده حق فى كلامه عذراً ساشرح واستعراض معكم المعلومات بعد أنتهاء وقت الشغل

    ردحذف
  36. غير معرف2/26/2012 06:43:00 م

    السلام عليكم ورحمة الله وبركاته
    بعد وقت الشغل ما انتهى نقدر نقول بعض المعلومات ونستعرضها
    1- المنجم معروف وتم تشغيله فى عهد الملك فاروق وبعد إنتاج 3 آلاف طن وليس أوقية تقرر أغلاق المنجم فى عام 1949 علماً بأن الأحتياطى المعلوم عنه وقتها كان يعتقد من فى ذلك الوقت أنه يقدر ب 6آلاف طن ( وليس أوقية) بقول قرار ملكى مش معلومات وبس كمان القرار ظهر صورة منه فى أكثر من حلقة مناقشة بالفضائيات مع عضو لجنة الصناعة بمجلس الشعب المهندس حمدى الفخرانى وباقى أعضاء اللجنة، يبقى ينفع نقول الشركة كانت بتبحث وتنقب عن ذهب من منجم موجود بالفعل بل أنه معروف للفراعنة من قبلنا

    كيف لمنجم

    ردحذف
  37. غير معرف2/26/2012 06:46:00 م

    كيف لمنجم أنتج أيام الملك 3 آلاف طن دهب أن يعاد أكتشافه وهو كان به حسب التقديرات فى ذلك الوقت 6 آلاف طن

    بلاش دى الشركة من 94 لسنه 2001 لم تنتج ولا أوقية ولا جرام

    ردحذف
  38. غير معرف2/26/2012 06:51:00 م

    فعلاً لا توجد رقابة على المنجم تستطيع أن تقول لك ببيانات صحيحة وموثقة وأعضاء اللجنة بمجلس الشعب تأكدوا من ذلك خلال زياتهم له وده فى الأسبوع الماضى
    لذلك قد تجدوا معلومات غير صحيحة وسط المعلومات من أجل أحداث بلبلة وحتى لا يستطيع أحد أن يتثبت من الحقائق ولكن لو فكرنا شوية فى المعلومات المتوافرة هنقرب من الصحيح فيها

    ردحذف
    الردود
    1. شكرا لردودك
      اتمنى مزيد من التواصل سواء من خلا الهاتف أو الفيس بوك وتويتر

      حذف
  39. غير معرف2/26/2012 06:59:00 م

    1- لا توجد رقابة بالمنجم على الكميات التى تصب بمعرفة الشركة ومعنى وجود أثنين موظفين لرقابة تلك الأعمال لا تصلح أساساً وتهريج يجب أن يكون له حساب

    2- لا توجد رقابة على الطائرات التى تنقل الشحنات من مطار مرسى العلم ودى مصيبة أخرى

    تم سؤال الوزارة عن عدد الطائرات و الجهات التى ستخرج لها الشحنات بمجلس الشعب ولم يجيب أحد عن عددها أو أين تتجه

    ليه يا جماعة أصل مرسى العلم مطار بنظام bot يا فرحتى دى مصيبة وتحقيق أخر أن تكون المعلومات عنمطار فى الحدود المصرية عن أتجاه وعدد الطائرات التى تقلع منه وتهبط إليه لا تعمل عنه السلطات شىء أو كما أدعت

    ردحذف
  40. غير معرف2/26/2012 07:08:00 م

    عذراً هكمل كمان ربع ساعة أسفى لكل من تابع وشكرى لك أستاذ عمر لوقتك يسمح أرجو الأنتظار فأنا عندى المزيد

    ردحذف
  41. غير معرف2/26/2012 07:32:00 م

    كل ذلك لتختلف المعلومات فتجد فرصة من مشكك مننا لا يقبل عقله التضاد الموجود فى تلك المعلومات بل قد يصل الحد الى تخوين بعضنا البعض لأننا لانرى الحقيقة ولا نريدها وعلشان كدة هربط كذا مقال وكذا تصريح وبعض من المعلومات منها التاريخى لكى تكون المعلومات الصحيحة فعلا قريبة لفهم كل من يبتغى الحقيقة ولاشىء غيرها

    ردحذف
  42. غير معرف2/26/2012 07:43:00 م

    معلومات عامة وبسيطة عن مناجم الذهب
    1- عمر مناجم الذهب فى متوسط من 10 الى 35 سنه أنتاج متواصل وليس متقطع منهوب فى مثل حالة السكرى

    2- صناعة الذهب صناعة بسيطة بل أن المواد التى تفصله وكيفية فصله معروفة من آلاف السنين للفراعنة والأثار التى تركوها خير دليل

    3- منجم الذهب يأخذ من 10 سنوات الى 15 سنه ليكون جاهز للأنتاج

    فى حالة السكرى المنجم أنتج من أيام الملك فاروق يبقى أزاى فى أتفاق بالبحث والتنقيب ولم تنتج الشركة أى جرام فى الفترة من 94 حتى 2001

    تم تجديد الأتفاقية رغم عدم تقديم الشركة لأى أكتشاف ولم يعلن عن بداية أى أنتاج إلا فى عام 2009

    سبحان الله فترة 15 سنه التى يحتاجها أى منجم ليكون جاهز للأنتاج هى نفس الفترة المظلمة التى لم تنتج الشركة فيها أى جرام

    علماً بأنه سبق الأنتاج منه أى معروفة مناطق وجود الذهب بهمن أيام الفراعنة إلى أيام الملك فاروق وبعده

    أنتاج المنجم الذى يظهر فى كل العصور يدل على الأحتياطى به عالى جداً جعله يكتسب سمعة عالمياً وأن يصنف من أكبر عشر مناجم بالعالم

    ردحذف
  43. غير معرف2/26/2012 08:01:00 م

    أذا هناك من يحاول إخفاء الحقائق وتضليل المجتمع ليظن المجتمع أن المنجم الذى عاد لأنتاج الذهب ويتصدر التصنيف العالمى من حيث الأحتياطى يرجع لعبقرية الراجحى والراعى وليس للتلاعب فى المعلومات وإخفاء الكميات المنتجة فعليا منه خلال فترة ال 15 عاما السابقة

    ويتم حرمان مصر من حصتها طبقا للإتفاقية الموقعة والتى تنص على أنه تأخذ مصر 3% أتاوة من إجمالى إيرادات بيع الذهب ( تعليق للى مش فاهم إتاوة وليه ده شىء طبيعى فى اتفاقيات الأستخراج لأن المعادن التى تستخرج من أرض مصرية فمن حقها أن تأخذ مقابل عن ذلك فى شكل أتاوة وهى حق لمصر يظهر فى ميزانية الدولة )

    بجانب حق مصر فى 50 % من أرباح بيع الذهب ( أى الإيرادات مخصوماً منها كافة التكاليف والمصروفات -لتوضيح الفرق بين إجالى الإيرادات وصافى الربح )

    كل ذلك لن يتم تفعيله إلا بعد أن تسترد الشركة التكاليف الإستثمارية التى أنفقتها

    طبعا هنا بقى يظهر أرقام مختلفة مرة تذكر أنها 210 مليون ومرة 310 مليون ومرة 45 مليون دولار

    ليه الأختلاف والزيادة لأن الشركة تضيف معدات أكثر وتنفق أكثر وترسمل كل أنفقاتها على تكلفتها الإستثمارية سواء كانت بالفعل إستثمارية مثل شراء المعدات أو تكلفة صيانة تعتبر مصروفات وليس تكاليف إستثمارية لتستفيد بأكبر قدر ممكن قبل أن يحق لمصر مشاركتها فى أرباح بيع الذهب

    ردحذف
  44. غير معرف2/26/2012 08:13:00 م

    طبعا وضح ليه التلاعب فى الكميات لتحقيق أكبر إستفادة من المنجم بعيدا عن حق البلاد الطبيعى فى ثرواتها طبقا لمنظومة فساد له منهج خبيث فى تدمير البلاد ونهب خيراتها بكل الطرق

    وهكتب بعض المعلومات العلمية التى تفيد من يتابع

    نسبة إستخراج الذهب من الصخر المستخرج من الجبل حسب تصريحات المسئولين قبل الثورة وتصريحات الشركة ومازالت تصر على أنها كذلك حتى يومنا هذا 1.8 جرام ذهب صافى فى طن الصخر وهذه نسبة ضعيفة جداً لا تتناسب مع سمعة المنجم العالمية والتى جعلته يدخل ضمن أفضل عشرة مناجم فى العالم كله

    فى حين أنه أظهرت بعض نتائج التحليل لصخور مستخرجة من نفس المنجم وليست على أعماق بعيدة تتراوح بين ال 150 جرام و500 جرام ذهب فى طن الصخر ومن المنتظر أرتفاع النسبة لأكثر من ذلك بكثير فى الصخور المستخرجة من أعماق أكبر من التى وصلت لها الشركة وتخفى الشركة هذه الحقائق لتأخذ الخيرات كاملة دون نقص وتحرم مصر حقها

    ردحذف
  45. غير معرف2/26/2012 08:31:00 م

    ليس كل المناطق بالمنجم مسموح للمصريين بأن يدخلوها طبعا حتى لا يكون هناك معرفة بالحجم الحقيقى لكميات الأطنان المستخرجة من الصخور أو معرفة نوعيتها وبالتالى لا تكون هناك رقابة أو دقة فى حصر كميات الذهب المنتجة وحسب المعلومات التى صرح بها أعضاء لجنة الصناعة بمجلس الشعب الذين قاموا بزيارة المنجم ومحاولة الكشف عن الكميات الحقيقة تبين ما يلى :

    يتم مراقبة عمليات الصب من أثنين من الموظفين التابعين للحكومة 2 بس والله بيتعبوا كثير لو كان ينفع ربع شخص كانوا عملوها

    تسجل الكميات التى تصب من قبل أحدهم فى أجندة يا حلاوة
    مفيش أحسن من كدة رقابة

    لا يوجد حصر لكميات الصخور المستخرجة لمعرقة النسبة الحقيقة ومقارنتها بكميات الذهب المنتجة لمعرقة النسبة الحقيقة لأستخراج الذهب من الصخور

    وأنظروا معى فيما يلى
    المعدات المستخدمة والتى لاحظتها اللجنة وقد تكون المعدات أكبر من ذلك بكثير فليس كل مناطق المنجم متاحة لدخول المصريين

    المعدات المستخدمة هى 17 دنبر وهى معدة سعتها ما بين 3 طن و6 طن تنقل الصخور لسيارات نقل عملاقة ( تنقل فى اليوم ما يقرب من 100 طن صخر أو زيادة ) تستغل كل واحدة منها فى 40 رحلة يومية

    هسيب اللى بيتابع المعلومات يحسب الكميات وهو وفهمه

    بس أوعى تستخدم نسبة إستخراج الذهب اللى أعلنت عنها الشركة أصلها ضعيفة ولا تتناسب مع وجود معدات كبيرة وعملاقة

    لو أستخدمت نسبة 500 جرام فى الطن هتلاقى فعلا أن الكميات بالطن وليست كما تقول الشركة أنها بالأوقية

    واللى بيشكك يستعمل عقله كل ما تحاول الشركة أخفائه يصب فى مصلحتها

    ردحذف
  46. غير معرف2/26/2012 08:47:00 م

    نقول بقى معلومات هيشكك فيها الناس ويستغرب من الربط بينها وبين هل الميات المنتجة من المنجم هى فعلا أم أنها مجرد مصادفة

    كاترين أشتون المسئولة بالأتحاد الأوروبى صرحت بأن منظمومة فساد مبارك وأعوانه نهبت موارد مصر الطبيعية خلال ال15 سنه الماضية بما يفوق الخيال ووفق معلومات مؤكدة للأتحاد الأوروبى بلغت قيمة تلك الموارد 5 ترليون دولار

    بحسبة بسيطة يعنى نصيب السنه ما يقرب من 350 مليار دولار

    بحسبة بسيطة ما يقرب من مليار دولار يومياً

    علماً بأن سعر طن الذهب الأن عالمياً 60 مليون دولار ( الأوقية وهى تمثل 28.35 جرام ذهب تعدت 1700 دولار - يعنى الجرام سعره لخام الذهب المستخرج 60 دولار تضرب فى مليون جرام فى الطن )

    ردحذف
  47. غير معرف2/26/2012 08:52:00 م

    لو تم ربط تلك التصريحات مع بعضها البعض وتلك المعلومات والبيانات

    يبقى 20 طن ذهب فى اليوم سعرها ما يقرب من المليار و 200 مليون دولار


    تساوى فى السنه أكثر من 350 مليار دولار يبقى رقمها ال5 تريليون دولار صحيح وليس خيال

    وكذلك 20 طن ذهب ليست بخيال

    ردحذف
  48. غير معرف2/26/2012 09:05:00 م

    أنما فى أكثر من ذهب السكرى ما بين غير مستغل أو لا يتم أستغلاله من ثروات مصر الطبيعة

    مثل ملايين الأطنان من الفوسفات يباع لطن ب 14 ألف جنيه خام

    مع أنه لو تم تصنيعه قبل تصديره تستخرج منه مادة تستخدم فى المفاعلات سعر الطن منها 600 مليون دولار
    مع العلم بأن تكلفة المصنع المنتج لتلك المادة لا يتعدى 180 مليون دولار لكن مصر لا تملك مصنع مثله ولايريد أعدائها أن تمتلك مثل ذلك رغم أن أراضى مصر غنية بملايين من أطنان الفوسفات

    المشكلة أن من يمتلك التكنولوجيا لا يملك الموارد الطبيعة لذلك تسعى الدول المتقدمة أما للسيطرة عليها من خلال أنظمة حاكمة فاسدة ومستبدة مثل النظام السابق تبيع موارد البلاد بأقل الأسعار أو نهبها بالسرقة

    تخيل ماذا ستصبح مصر لو أستغلت مواردها وكان ناتج بيع الذهب فى ميزانيتها وأستغلت الفوسفات وتم تصنيعه وليس بيعه ذهباً

    هل يرضى عدوك أن تكون قوياً طبعاً لاء وهناك الكثير لأستغلال موارد مصر


    افيقوا يا سادة

    ردحذف
  49. غير معرف2/26/2012 09:09:00 م

    أتمنى أن يكون من قراء فهم ما أريد قوله أنا مثلكم جميعا حريص على مصلحة بلادى

    عندما نبحث فى موضوع يجب أن تتفتح العقول

    أنا لست جيولوجيا وأنما جلست مع من يفهم لكى أفهم

    ياجماعة أنا محاسب قانونى لا أعرف الكثير فى المناجم ولكن قبل أن أنتقد يجب أن أكون رأى مبنى على فهم المرة القادمة أتمنى يكون عندى أضافة جديدة

    والسلام عليكم ورحمة الله وبركاته

    ردحذف
  50. غير معرف2/26/2012 09:40:00 م

    أسف محدش يزعل انى رجعت تانى بس فى مقالة شدتنى وهى بتؤيد ما قلته اليوم فى 26 فبراير 2012 وده الرابط بتاعها يا أستاذ عمر أنا مش عارف هتتغير الصفحة بتاعتها ولا لاء دى مقالة فى الأهرام
    http://www.ahram.org.eg/Investigations/News/133475.aspx

    ردحذف
  51. غير معرف3/04/2012 04:08:00 م

    كنت فين ياذهب ورحت فين يابن الحلال مين السبب فى السرقه ياترى كل المثقفين مش عارفين يبقى يامصر لكى الله وسجل ياتاريخ جهل المصريين الحرامى معروف من الاف السنين ولا هنفضل ناسيين

    ردحذف
  52. غير معرف3/04/2012 04:11:00 م

    انا مصرى للنخاج بس نفسى نفضل فاكرين

    ردحذف

إرسال تعليق

أرجو عدم كتابة أي تعليق مسيء للأديان أو مخالف للآداب العامة وأعد بنشر ما سوى ذلك مهما كان

المشاركات الشائعة من هذه المدونة

10 Amazing Facts You Didn’t Know About Domain Names

وكالة الأنباء الهولندية : القذافي تعرض للإغتصاب بعصاه قبل وفاته #Gaddafi #Libya

حملة إعرف فلولك وعلم عليه : #شفيق لم يقم بطلعة جوية واحدة في حرب 73 !!