26‏/08‏/2013

إن لم تنصرهم أحياءاً ... فلا تخذلهم أمواتاً

هم ثلة من أبناء هذا الوطن
عاشوا تحت سماءه وارتووا من نيله
هم أهلنا وإخوتنا وأقاربنا وجيراننا
كان لهم نفس حقوقنا وعليهم نفس مسئوليتنا
ولكننا فجأة قررنا أن نتبرأ منهم!
بل 
ونلعنهم!
ونخونهم!
ونشمت في موتهم!
هذا ما صبه الإعلام في آذاننا ليل نهار!!
قالوا انهم إرهابيون 
مسلحون بكافة أنواع الأسلحة
يريدون هدم الدولة
والجيش
قالوا وقالوا
وشحنوا الشعب حتى يقبل فض الإعتصام بمنتهى العنف والقسوة
وكان الكثيرون عند حسن ظنهم! 
أو فقل إن شئت عند سوء ظنهم!
فوجدنا كثيرون يبررون قتلهم
ويطعنون في أعراضهم
ويشككون في انتماءهم ووطنيتهم
وكانت النتيجة مجزرة بشعة
ومذبحة يندى لها جبين الإنسانية
مئات من القتلى وآلاف الجرحى!
ومع ذلك لم نسمح تنديد ولا شجب 
لم نسمع صوتاً!
اللهم إلا أنين باكٍ محترق قلبه على مجازر تحدث على مرئي ومسمع الجميع
ولكن من يسمع ومن يرى
ومن يعقل!
***
شهادات من حضروا فض الإعتصام ملئت صفحات الإنترنت! 
وما من مجيب
وتحدثت الدولة.. 
فشكرت وهنئت القتلة وأشادت بهم!!!
وحينما جاء صوت د. البرادعي معترضا على ما حدث ومقدماً لاستقالته
فخونوه وعادوه وقد كانو بالأمس يهللون لوجوده
أي منطق هذا!
أنا الآن أقدم لكم فيديو جديد ينضم إلى مئات من إخوته يبين مدى بشاعة ما حدث
كيف جرفت جرافة الجيش "المصري" جثث "المصريين"!
كيف امتدت النيران لتحرق جثث "المصريين" وسط صراخ ولوعة من كانو يسرعون بنقل الجثث!!
أي دولة هذه التي تفعل بأبناءها ذلك!!!
أي دولة هي التي تقتل أولادها بهذه العشوائية وهذا الأسلوب الحقير من دون تحقيق أو محاكمة حتى يجازى المخطئ إن وجد!
أي منطق هذا!
بل قل أي عبث!
***
أعلم أن البعض لن يجد في هذه الفيديوهات إلا أسلحة غير مرئية تبرر - من وجهة نظره - ما حدث
ولن يجد في الفيديوهات إلا إلاخوان المجرمون وهم ينقلون جثث من قتلوهم من أسفل المنصة! 
هذا ما قاله لهم الإعلام
وهم يصدقونه .. ويكذبون عيونهم
لهؤلاء أقول ... لا تضيعوا وقتكم بالمشاهدة فلن ترو فيها شيئا مقنعا بالنسبة لكم!

ولكني اضع هذه الفيديوهات وأوثقها في مدونتي من أجل أناس مازال في قلوبهم شيء من رحمة
ومن إنسانية
واقول لهم .. إن لم تكن مع أهل رابعة في رأيهم ولم تنصرهم أحياءاً 
فليس أقل من ألا تخذلهم أمواتناً
وأن توصل حكايتهم لمن ظل محتفظاً بإنسانيته .. وهم قلة ...

تحذير : يوتيوب صنفت الفيديوهات على أنها تحتوي محتوى صادماً ولا يمكن مشاهدته إلا للكبار فقط
 
 
اللهم لا تحرمنا أجرهم ولا تفتنا بعدهم واغفر لنا ولهم
عمر الشال
26/08/2013

16‏/08‏/2013

رؤية للصراع القائم في #مصر بين #الإخوان والجيش .. بقلم إكرامي محمد

ما انا مقنع به أن الثورة أتخذت غطاء لتصفية الجماعة وما ورائهم من تيار اسلامي
استخدمت الجماعه بخطابها العنيف لقيادات غبية غير واعية ومشحونه من تجارب سابقه مع امن الدولة لا ذنب لنا فيما حدث لهم
واستخدمت الثورة والدفاع عنها كمبررات لتصفية حسابات بين صراع القوي
ان ما يحدث في مصر هو بالتاكيد صراع سلطة بلا شك
لا صراع من اجل ثورة ولا صراع صراع من اجل الديمقراطية
الخ
من الطرفين الكل يريد التحكم و السلطة
لكن العسكر كانوا اذكي وابرع ..واصبر ..والاخوان كانوا اغبي وسذج ومراهقين سياسياً
استخدموا وقود الثورة ومبادئها وشبابها الذي يئيس من حكم الاخوان الغبي ومرسي القليل الخبرة
ليحققوا ما يريدون
ان ما يحدث في مصر هوه تخطيط علي مستوي عالي لاجهزة مخابرات وامن الدولة
بالاستعانه بالبطلجية لنشر الفوضي والصاق التهم بالاخوان والتيار الاسلامي
طبعا الذي سيلجاً للعنف المضاد ليدافع عن نفسه والذي ربما تطور لعنف مضاد ورد فعل للقتل الغير مبرر والذي لا يفرق بين شيخ او طفل او امراه او رجل مسالم او قاتل مجرم
القتل للتصفيه و التخويف المطلق
وبعد ذلك يؤكد نظريه انهم ارهابيين وقتله بافلام ساذجة ورما غير حقيقية ولا دليل عليها
منذ متي كان الطرف الذي يملك الاعلام هو الذي ينشر افكارة
اعطني الاعلام وساصور لك ان الداخلية ارهابية
وان اسرائيل هي مملكه السلام علي الارض
الخطه ظهرت ملامحها من قبل الاحداث باسابيع
وكل هذا كان شبه متوقع وقلت هذا
اعٌلن ان جماعه الاخوان ارهابية في كل القنوات المرئية قبلها بفترة وكانوا يحضرون لكل ذلك
روج لفكر انهم قتله وارهابيين واشاعات لا اول لها ولا اخر اعدت بدون اي ادلة او براهين
وعند ساعه الحسم --بعد رمضان والعيد
تم تنفيذ مخطط الفوضي - حرق مصر باسم الاخوان و فض الاعتصامات باقل خسائر ممكنة
بلا رحمه
بلا ذرة رحمه
يعلم الله اني من المعارضين لفكر جماعه الاخوان السياسي منذ ان وصلوا للحكم وقبلها
لاني اراهم كجاعته سياسية كذابون ..لكن ماذا عن شبابها البريء الطاهر المضحوك عليه
والذي تربي يري الجماعه قدس الاقداس ومقتنع بفكرها حتي الموت
ولا ذنب له فيما يحدث
هل جزائه لانه يتبع جماعه قادتها اغبياء ..او يدعون للعنف ان يقتل هذا الشباب
والله حرام ..هذا حرام وظلم بين
****
كما اري ان ما وصلنا اليه الان هو بسبب غبائهم السياسي وكذبهم و عدم خبرتهم
وعدم تقيدرهم لابعاد اللعبه السياسة النجسه
وربما غرورهم ..فكم جادلناهم وكان ردهم موتوا بغيظكم
كم تخلوا عنا ..وتركونا في مواجهه العسكر والداخلية والبلطجيه وتفاوضوا معهم وقالوا لنا اننا نريد الاستقرار و عجله الانتاج الخ
لم يسمتعوا الينا وفضلوا انفسهم لوحدهم فخسرونا وخسروا اللعبه كلها .
***
لكن ان يتم ربط كل حدث اجرام ..وقتل وسلب ونهب وترويع الامنين باسمهم
فاعتقد ان هذا هو الظلم بعينه

ما يمارس باسم الثورة من قتل و فوضي بريء منه ومن من يرتكبه باسم الثورة

والله اعلم
هذا اجتهادي ورايء الذي يرضي ضميري في هذه الايام السوداء

واخيراً
اللهم ارنا الحق حقاً وارزقنا اتباعه
وارنا الباطل باطل وجنبنا اتباعه
يا رب العالمين
اللهم اضرب الظالمين بالظالمين واخريجنا من بينهم سالمين
واحفظ شعب مصر من الفتن

الثورة مستمرة وهاتنتصر ..علي كل ظالم وقاتل ومفسد في الارض
حسبنا الله ونعم الوكيل

12‏/08‏/2013

الأمنجية .. ما لا تعرفه عن من خان الثورة وضباط #8_أبريل

هذه التدوينة منقولة من مدونة "متركزوش" وكل الحقوق محفوظة لصاحب المدونة

ملحوظه قبل ماتقرا البوست ده عشان أكشفلك حقيقة مجموعه معينه ,متستره تحت اسم الثوره والميدان وماهم الا مجموعه من البلطجيه مشغلاهم الداخليه والمخابرات الحربيه.

يسقط كل من خان ..عسكر فلول أخوان ... الداخليه بلطجيه #عقيده

البدايه .. البدايه بدأت مع مشكله حصلت مع ظابط فى محمد محمود بغض النظر عن تفاصيل المشكله واحد من شلة الامنجيه اللى هوا محمد تركى رفع سلاح فى وش احد اصدقاء عيسى فى الرابطه (رابطه فنانى الثوره ) عشان مشاده كلاميه بين الولد ده والظابط وبعدها خلصت المشكله ع خير , ورجعوا اتجمعوا تانى يوم فى محمد محمود وقالوا هيعتذروا لصديق عيسى , فى الوقت ده كان فى مشكله مع عسكرى معدى - وده عادى على فكره- بس اللى مش عادى ان كذا حد من الثوار شاف مهند سمير بيكلم الظابط صاحب المشكله بيقوله "ايوا يا مصطفى بيه -اللى ماسك قسم عابدين- ,معاك مهند سمير , العيال بيرازوا العساكر فى محمد محمود , أجيبهملك " !!
بالمناسبه دى خلينى أحكيلكم قصة مهند , مهند لغاية مااتصاب واتحبس وخرج كل ده كل الناس عارفاه بس اللى مش كل الناس عارفاه اصابة مهند التنيه : ودى كانت بسبب الأتاوه اللى فارضها هوا وشلته "شلة محمد المصرى " ع أحد المحلات القريبه من الميدان , الراجل اللى هوا صاحب المحل -هوا بالمناسبه night club - كان متكدر منه مش بس عشان الاتاوه عشان مهند كان بيروح عنده ياخد اللى هوا عايزه ويعمل اللى هوا عايزه ويمشى , فأجرله بلطجى ضربه بالخرطوش فى وشه (واللى اتقال فى الوقت ده ان اتضرب عشان هوا الشاهد الوحيد فى قضية مقتل الشهيد رامى الشرقاوى والحقيقه عكس كده خالص)
             ___________________________________________________________
نرجع لحكاية محمد محمود اللى أكدتلنا بالدليل القاطع ان مهند وكل شلته أمنجيه "شلة محمد المصرى " وشغالين مع الداخليه خلونى برضو احكيلكم قصة الشله دى تحديدا اللى معروفه من زمان بس كان ترجمتها عندى انهم شوية اوساخ من مرتزقى الثوره وبس مش بلطجية الداخليه والدوله !
الشله دى هيه اللى بتقفل وتسيطر ع الميدان بداية من اعتصام يوليو 2011 , لكن الأمر تطور لأبعد من قفل الميدان , العربيه اللى بتدخل بتدفع اتاوه واللى بتخرج بتدفع اتاوه ده غير الجراج مدفوع الأجر ع حدود الميدان المقفول ده غير ان كل المحلات اللى فى الميدان وحواليه بتدفع اتاوات وكذلك الباعه الجائلين ,مش عاجيك تتضرب ومحلاتك تتكسر ويتضرب عليك خرطوش وممكن توصل للتعذيب والقتل وكل ده حصل ! وكل حاجه موجوده فى الميدان الحمد لله من خيم التعذيب للخيم الحمرا للحشيش للبرشام للخمره كله موجود وبيتباع فى قلب الميدان ,, الناس بتتثبت ورا عمر مكرم وفى يوسف الجندى وعبد المنعم رياض وتتقلب فلوسها وموبايلاتها ...وكل تحت ادارة حماة الميدان.
دى صوره من قلب خيمه فى الميدان لمحمد المصرى -اللى قدام اللى ماسك سلاح- وأخرون من شلته
      ____________________________________________________________
نرجع تانى للحكاية الاولانيه بتاعت محمد محمود فى الوقت ده بدأت حاجه جديده تظهر وهيه محاولة استقطاب ناس جديده لشلة الأمنجيه بس محاولات الأستقطاب جت بقى من اللى مشغلينهم مش منهم , بيعرضوا على الشباب انهم يجيبولهم سلاح ويدربوهم عشان يجبوا القصاص بقى وكده , وطبعا تبقى دراع جديد للحكومه
..المشكله الأكبر فى العرض المشكله فى اللى "مشغلينهم" دول بقى مين ؟؟ أقولك أنا دول ظباط 8 أبريل
محمد طارق الوديع الواد الحليوه الجينتل ده اللى بيحاول يستقطب الشباب مضاف ليه رفقاءه تامر بدر وأحمد شومان اللى بيدخلوا معاه الأشتباكات بدروعهم العسكريه الواقيه من الرصاص وسلاحهم العسكرى يضربوا ع الطرف التانى كام طلقه يموتوا كام واحد ويجروا 
 ويسيبونا فى المواجهه زى أحداث عبد المنعم رياض الأخيره اللى ظهر فيها وديع وتامر بدر واحمد شومان وصديقهم الصدوق فياض   بيضربو نار ع الاخوان لدقايق واختفوا بعدها وناس كتير شافوا الكلام ده , ودى الهجمه اللى وقع فيها ناس كتير وحوالى 6 ماتوا ,لكن لما ده حصل كانوا الأساتذه اختفوا
دى صورة لوديع وفياض

وظهر وديع تانى فى احداث النصب التذكارى (مذبحة رابعه ) وبرر ده بأن الاشتباكات كانت تحت بيته " ده مبرر انه ينزل بسلاحه يقتل فى الناس" ! وشافه اكتر من حد وهوا بيضرب نار بسلاح ميرى وواحد واقف جنبه بيلم الفوارغ


وده نهج متبع ليهم هما والشله اللى مشغلينها اللى لبسونا حاجات كتير زى أحداث سيمون بوليفار الأولى اللى مات فيها أحمد نجيب واللى بتتحول فيها الأشتباكات لمصايد
بالأضافه لظهور شومان ووديع وتامر بدر اللى بقى متكرر فى الميدان ومع الشله دى ظهر كمان فؤاد الدسوقى -احد ضباط 8 ابريل- مندس وسطنا ولأن محدش يعرف شكله محدش عرفه لكن تصادف فى يوم وجوده مع وجود شخص يعرفه كويس لما الظابط شافه قام سلم عليه واختفى بعدها , وده يخلينا ندور على عمرو المتولى لأن كده الحبايب كلهم موجودين

1-محمد وديع -2-احمد شومان -3-تامر بدر -4- عمرو المتولى -5- فؤاد الدسوقى

وكل دول رجعوا الخدمه أصلا بعد قصة الأنشقاق بتاعتهم 
زى تامر بدراللى مااتفصلش من الجيش اصلا 

وكل واحد منتمى للجروب ده هوا منهم , فاكرين المجند سيد ماضى اللى ولولنا عليه كتير بسبب حبسه عشان كان بيغنى اغانى ثوريه داخل معسكر الجيش ؟؟! واحد من بلطجية الميدان 
ودى صورته مع واحد من شلة الامنجيه
1-مهند سمير -2-سيد ماضى
__________________________________________________________________

أحداث المنصه :-

هنا تبدأ بلطجة شلة الأمنجيه فى الظهور بقوه .. اجتماع قبل الاتفاق ع فض اعتصام رابعه بقوة الأهالى "التاج في البوست والكومنت فيه أغلب الجروب " 
وده لينك من الصفحه بتاعتهم بيفسروا ليه ماتمش فض الأعتصام https://www.facebook.com/photo.php?fbid=516293888425233&set=a.516293355091953.1073741828.516279831759972&type=1
بعد الحوار ده بشويه جت أحداث المنصه ,اللى لما ناس اتكلمت وقالت كنتوا هناك وفى صفوف الداخليه قالوا مكناش وماشوفناش 
دى لينكات البوستات اللى كانوا بينقلوها من هناك وفيها كمان بوستات قبل الاشتباكات من اساسه بيحذروا فيها اهالى رابعه

بعد كده قالوا اه كنا بس انسحبنا , ونزلوا البوست ده 
"لاحظ التاج فيه محمد وديع "
              ___________________________________________________________

وده كان رد واحد منهم 

ودى شهادة "جو الأسطوره" عن احداث المنصه (مجزرة رابعه)


وبعد كده بدأوا يبعتوا تهديدات صريحه للولد اللى كان محبوس قبل كده فى قضية البلاك بلوك "جو الأسطوره" عشان شافهم هناك وكتب عنهم 4 تويتات !!!!!!!!!!!!
ده لينك شهادته ع الأحداث http://storify.com/MrJoeElostar/story?utm_campaign=&utm_source=t.co&awesm=sfy.co_pBT8&utm_medium=sfy.co-twitter&utm_content=storify-pingback
                    ___________________________________________________________
ودى بداية التهديدات ليه :
 ده أسلام موكا , ولمن لايعرف اسلام موكا انصحه بقراءه التويتات اللى فى اللينك ده http://topsy.com/s?q=%23%D8%A7%D9%84%D9%86%D8%B5%D8%A7%D8%A8&window=a أو ادخل ع هاشتاج #النصاب على تويتر واتفرج براحتك

                            _________________________________________________________

خايفين ليه من جو للدرجادى ! عشان 4 تويتات ولا عشان التويتات دى فضحتهم !! 
الحوار ماانتهاش لغاية كده , دول بداوا يلفوا ويدوروا فى ان دم عيسى فى رقبة جو وان ذنبه فى رقبة جو و... و.... !!
ده كله لايرقى من درجة الهرى الا لدرجة انهم بيحاولوا يغطوا على حاجه تانيه أقولكوا ايه هيه 
الصوره دى معبره جدا واللى لاقطها فنان
أبو تيشرت احمر وبنتاكور كروهات ده واحد من اولتراس ثورجى وأغلبكوا عارفه بس مش ده المهم . المهم الحليوه أبو shotgun ده بقى يبقى مين ؟ أقولكوا أنا بصوا فى الصوره ده كويس 
اه هوا طارق , واللى جنبه ده أشرف شريف "شيكو" اللى كان بيبعت التهديدات لجو الأسطوره
دى صور تانى لطارق بالسلاح فى ايده
وده فيديو كمان لطارق بس المره دى من غير سلاح , المره دى بيشاور للظابط  المسلح على حد فى الطرف الاخر "حتما الظابط ماكنش بيصطاد بط "
"ركز فى الفيديو بيظهر بعد الدقيقه التانيه"

ودى صوره تانيه للولد ابو تيشرت احمر مستخبى ورا احد الظباط المسلحين 
ودى صوره لواحد تانى من اولتراس ثورجى بنفس المشهد تقريبا مستخبى ورا الظابط المسلح 
هوا ده اللى مستخبى ورا الظابط "ابو تيشيرت بيج" وده الاكونت بتاعه "ياسر زهره" https://www.facebook.com/photo.php?fbid=112067965668345&set=pb.100005954255668.-2207520000.1376198029.&type=3&theater
والفيديو ده بيوضحلك وظيفته بالظبط مع الظابط المسلح 
              _______________________________________________________________

الشهيد الفنان/عيسى عصام
عيسى عصام المصرى .. كان رسام عظيم فى رابطة فنانى الثوره ... مالوش أى انتماء غير للثوره ولدم الناس اللى ماتت ... عيسى نزل يشوف ايه الحقيقه فى رابعه ... نزل يشوف مين بيقتل مين .. عيسى خد رصاصه فى ضهره واستقرت فى قلبه 

من قتل عيسى :-

من قتل عيسى ؟؟!!! أقروا البوست ده كويس وركزوا فى التعليقات  وعشان دول أكتر 350 كومنت فركزوا فى الصور دى 





نكتفى بهذا القدر ....
ملحوظه : فى بوستات من دى اتمسحت قبل مالبوست "البلوج"  ده يتنشر أصلا وفى بوستات هتتمسح بعد مايتنشر عشان كده اخدت كل البوستات اسكرين شوتس زى ماهى فى البوست كده
.. البوستات اللى ليها خلفيه متلونه اتاخدت من ع فيسبوك مطبق theme وكان صعب الرجوع ليها تانى او اتمسحت "عشان محدش يستغرب "
 
رابط التدوينة الاصلي:
http://matrkzosh.blogspot.com/2013/08/blog-post_7965.html