مدونة عمر الشال

نهار خارجي تقترب الكاميرا من مقهى شعبي وسط ضوضاء الجالسين وصياح صبي القهوه نسمع هذا الحوار شخص 1: ياعم ايه العك ده ... ملقيوش حد أخيب من ده علشان يمسكها ؟ ده هيخربها أكتر مهي خربانه شخص 2: مش قوي كده يا عم محنا قلنا اللي فات هو الي هيعدلها ويصلح الحال وطلع أخيب من اللي قبله شخص 1: يقومو يجيبو ده؟ شخص 2: وماله دم جديد وبعدين شخصيته قوية شخص 1: قوية مين يا عم بلا قرف .. ده كل صوره وسط حريم شخص 2: لا يا عم ليه صور كتير وسط التدريبات وبعدين ده راجل بمعني الكلمة شخص 1: يا عم بلا خيبة ... وهو ايه خبرته يعني؟ شخص 2: الموضوع مش عايز خبره - عايز راجل يعرف يمشي الناس وينفذوا كلامه شخص 1: والأفندي التاني طالع يقولنا انه وسيم وجذاب .. بذمتك فيه حد أقرع يبقى جذاب؟ شخص 2: يا سيدي مش اقرع ولا حاجة ... هو اللي كان حالق زلابطة - عنده شعر عادي شخص 1: شعر ايه!!! هو انت بتتكلم على مين؟ شخص 2: على ميدو طبعا .. مش انت بتتكلم على ميدو اللي هيدرب الزمالك؟ شخص 1: روح ياد يابن #@@##$%^&&^&%&%# الكاميرا تبتعد إظلام تام

خطاب الرئيس عدلي منصور بعد قرار المستشار عدلي منصور - رئيس الجمهورية المؤقت - بإجراء الإنتخابات الرئاسية أولاً وبعد أن تم اقرار الدستور المعدل بأغلبية ساحقة إليكم هذه الحقائق عن الدستور: 1- الدستور يضع معايير للترشح لرئيس الجمهورية ولكن ... 2- لم يحدد الدستور هل الإنتخابات الرئاسية أولا أم النيابية وتركها لرئيس الجمهورية الحالي - المؤقت الذي لم يتم انتخابه أصلا! 3- لم يحدد الدستور شروط الترشيح في حال أقر الرئيس المؤقت الحالي اجراء الانتخابات الرئاسية أولا. 5- لم يحدد الدستور شروط الترشح للمجالس النيابية ولا نظام الانتخاب سواء إن كانت انتخابات فردية أم بالقائمة وتركها للقانون. 6- بعد قرار الرئيس الؤقت - غير المنتخب من الأصل - اجراء الانتخابات الرئاسية أولا فإن قانون الانتخابات البرلمانية سيتم اقراره بمعرفة الرئيس القادم - وهو ومزاجه يعني - بموافقة مجلس الوزراء. 6- سلم لي على المترو ... قصدي الدؤروماطية .. قصدي الديمقراطية. وبكرة_تشوفو_مسر

رائعة حمزة نمرة أغنية "وأقولك ايه"  وبجد بسأل ... وإمتى نفوق؟ كلمات الأغنية:  ومن امتى .. ما بينا خلاف أنا وانتا ولما تشوفني أو اشوفك نبص بعيد ومش معقول هيبقى .. كل واحد مننا في سكة غريب الحال ودا احساس علينا جديد! واقولك إيه .. طريق الكره أخرته إيه .. وهي قلوبنا ماتت ليه لفين هنروح! ما بينا شيطان .. املنا يا وطن خلصان .. محدش فينا مش خسران ولا مجروح!  بيألمني .. شعور إنك قدرت في لحظة تظلمني تنام مرتاح وانا منك دموعي تزيد باي أساس .. تقابل بسمتي برصاص وليه بايدك تخلي في كل عيلة شهيد واقولك إيه .. طريق الكره أخرته إيه .. وهي قلوبنا ماتت ليه لفين هنروح! ما بينا شيطان .. املنا يا وطن خلصان .. محدش فينا مش خسران ولا مجروح! صحاب وجيران .. معاك ع الحلوة والمرة بقالنا سنين وزيك ع الوطن قلبي أكيد محروق وإيه بعدين .. مودينا طريقنا لفين يا خوفي علينا من بكرة وإمتى نفوق! واقولك إيه .. طريق الكره أخرته إيه .. وهي قلوبنا ماتت ليه لفين هنروح! ما بينا شيطان .. املنا يا وطن خلصان .. محدش فينا مش خسران ولا مجروح! فيديو الأغنية: تحميل أغنية "وأقولك إيه" لحم...